Сонордуулга

OARE буюу “Online Access to Research in the Environment” хэмээх  консерциумаас гаргаж буй онлайн сэтгүүлийн талаарх мэдээллийг өмнө энэхүү блогоороо дамжуулан та бүхэнд хүргэсэн билээ. Манай блогт тавигдсанаас хойш багагүй хүмүүс тус вэб сайтаар орж үйлчлүүлсэн байна. Гэвч манай улсын эдийн засгийн өсөлттэй (1 хүнд ноогдох ДНБ хэмжээ 1600 USD хүрсэн)холбоотойгоор үнэгүй үзэх эрх маань хаагдаж байгаа юм байна. Иймээс энэхүү онлайн вэб сайтаас татаж авах зүйл байвал 2010 ондоо багтаж татаж аваарай. Дараа жилээс төлбөртэй болох юм байна шүү. 

За дараа өөр ийм open access journal байвал блогоороо дамжуулан та бүхэнд хүргэх болноо.

дэлгэрүүлж унших...

Шинэ жил ирлээ

дэлгэрүүлж унших...

The New Approaches on Geoinformation Research

Call for Papers and Sessions  The New Approaches on Geoinformation Research February 01-02, 2011, Ulaanbaatar, Mongolia Introduction The conference aims to bring researchers, scientists and students together to share their experiences, new ideas and the research outcome through the presentation and discussion of papers of all possible aspects of geoinformation. It will provide an unprecedented opportunity for professionals and students from remote sensing, geographic information science and related disciplines to discover cutting-edge geoinformatics technology and applications, while at the same time exchanging their ideas, research results, professional experiences, and future visions in the fields of geographic information science, remote sensing, and their applications. The conference will include plenary, special, oral, and poster sessions.

дэлгэрүүлж унших...

"GIS day" амжилттай болж өнгөрлөө

МУИС-ийн Газарзүй Геологийн Сургуулийн Газарзүйн мэдээллийн систем (ГМС)-зайнаас тандан судлал (ЗТС)-ын сургалт судалгааны лабораториос зохион байгуулсан Газарзүйн мэдээллийн системийн өдөрлөг 2010 оны 11 дүгээр сар 17-ны үдээс хойш МУИС-ийн хичээлийн 1-р байрны Эрдмийн зөвлөлийн өргөөнд (Дугуй танхим) амжилттай болж өнгөрлөө.

Өдөрлөгийн үеэр тавигдсан илтгэлүүдийн пресентаци болон бусад мэдээллийг үзэхийг хүсвэл дараах холбоосон дээр дарж сонирхоно уу.

http://geo.num.edu.mn_GIS_DAY

дэлгэрүүлж унших...

“Шинжлэх Ухааны Үйл Ажиллагааны Менежмент – Залуу Эрдэмтдийн Оролцоо” сэдэвт зөвлөлдөх уулзалтанд хүрэлцэн ирэхийг урьж байна

дэлгэрүүлж унших...

GIS Day-г тэмдэглэх гэж байна

Энэ жил 2 дахь жилдээ "GIS Day"-г 2010 оны 11-р сарын 17-ны өдөр Монгол Улсын Их Сургууль (МУИС)-ийн 1-р байрны "Эрдэмийн зөвлөлийн өргөө" буюу дугуй зааланд 14:00-18:00 цагийн хооронд тэмдэглэх гэж байна. Энэ жилийн өдрийг МУИС-ын Газарзүй, Геологийн сургуулийн "Газарзүйн мэдээллийн систем (GIS), зайнаас тандан судлал (RS)"-ын сургалт, судалгааны лабораториос зохион байгуулж байна.

дэлгэрүүлж унших...

Ус, Цаг уур, Экологийн асуудлаар хуралдана

 “Ус, Цаг уур, Экологийн асуудлууд” сэдэвт эрдэм шинжилгээний хоёрдугаар бага хурал нь 2010 оны 12 дугаар сарын 03- нд болно. МУИС-ийн  Газарзүй геологийн сургуулийн Цаг уур, ус судлалын тэнхим тус хурлыг санаачилж, зохион байгуулах гэж байна.

Энэхүү хурал нь цаг уур, уур амьсгал, экологи, газарзүйн салбаруудын эрдэмтэн судлаачдад судалгааны үр дүн, туршилт, ирээдүйн зорилго, мөн шинэ санаагаа солилцонгоо сүүлийн үеийн ололт, нээлт, дэвшил,  технологи түүний хэрэглээний талаар мэдэх зэрэг өргөн боломжийг бүрдүүлж байна.

дэлгэрүүлж унших...

ТӨВ ЕВРОПЫН ИХ СУРГУУЛЬД ТЭТГЭЛГЭЭР СУРАЛЦАХЫГ УРЬЖ БАЙНА

Унгарын Будапешт хот дах Төв Европын их сургууль 2011-2012 оны хичээлийн жилд магистр, докторын чиглэлээр суралцахыг урьж байна.

Яагаад Төв Европын Их Сургууль:

• Америкт болон Унгарт магадлан итгэмжлэгдсэн
• Бүх хичээл англи хэл дээр явагддаг
• 100 гаруй улс орныг төлөөлсөн 1600 гаруй залуучууд суралцаж байгаа
• 30 гаруй улс орныг төлөөлсөн 300 багш эрдэмтэн ажилладаг
• Жорж Соросын үүсгэсэн байгуулсан Америк стандартын их сургууль
• Тэтгэлэг: Төв Европын Их Сургууль бүрэн (сургуульд ирэх буцах зардал, сургалтын төлбөр, байр, эрүүл мэндийн даатгал, сарын стипенд орно) ба бүрэн бус тэтгэлэг олгодог.
• Байгаль орчин, төрийн бодлого, жендер судлалаар суралцах хүмүүс Европын Холбооны тэтгэлэгт хамрагдах боломжтой.
• 2 тэнхимд зэрэг өргөдөл мэдүүлэх боломжтой.

дэлгэрүүлж унших...

Online Access to Research in the Environment

Сайн байцгаана уу? Монголын Залуу Эрдэмтэд ээ.

Та бүгдийн зарим нь дээрх логог хараад бараг таньж байгаа биз дээ. Зарим танихгүй нэгэнд товчхон танилцуулъя.

OARE буюу “Online Access to Research in the Environment” хэмээх энэхүү консерциум нь АНУ-ын Yale их сургуульд төвтэй, НҮБ-ын Хүрээлэн буй орчны хөтөлбөрөөс санхүүждэг бөгөөд олон улсын, ашгийн бус байгууллага юм. Гол зорилго нь хөгжил буурай болон хөгжиж буй улс орнуудын эрдэмтэд судлаачдад дэлхийн даяар хэвлэгдэж буй 2990 орчим эрдэм шинжилгээний сэтгүүлүүдийн өгүүллэгийг ямар ч төлбөргүйгээр, бүтэн эхээр татан авч ашиглах боломжийг нээж өгдөг. Манай улс тус жагсаалтанд багтсан бөгөөд та бараг шинжлэх ухааны бүх салбарын өгүүллэгүүдийг эндээс олж болно. Ялангуяа газарзүй, геологийн салбар бол ч бий дээ.

дэлгэрүүлж унших...

"ГАЗАРЗҮЙН АСУУДЛУУД" эрдэм шинжилгээний бичиг

МУИС, Газарзүй Геологийн Сургуулийн "ГАЗАРЗҮЙН АСУУДЛУУД" эрдэм шинжилгээний бичгийн 2010-2011 оны хичээлийн жилийн намрын улирлын дугаарт багш, судлаачдын өгүүлэл авч байна. Дэлгэрэнгүй...

Тавигдах шаардлага

• Өгүүллийн хэмжээ дээд тал нь 10-15 хуудас, доод тал нь 5-аас доошгүй хуудас байна.
• Бүтээлийн сэдвийг 14, зохиогчийн нэрийг 12, ажлын газрын хаяг 10, товчлолыг 10, бичлэгийг 12 хэмжээтэй бичнэ. Мөр хоорондын зай 1.5
• Өгүүлэлд орох диаграмм, графикийн эх файлыг хамт илгээнэ үү. Өмнөх дугааруудад орсон зарим график зургийг эх файл байхгүй, өгүүлэл дотроо зураг болгон оруулснаас засварлах боломжгүй болж хасагдах тохиолдол гарч байсныг анхаарна уу.
• Өгүүллийг хэвлэмэл байдлаар болон электрон /файл/ хэлбэрээр илгээнэ. Файлааbtrtsj78@yahoo.com хаягаар илгээнэ үү.
• Өгүүлэл хүлээж авах сүүлийн хугацаа 2010 оны 11-р сарын 1.

"Газарзүйн асуудлууд" сэтгүүлийн редакци

Лавлах утас: 99060234

дэлгэрүүлж унших...

Геологи-Газарзүйн салбарын “Хүрэлтогоот 2010” эрдэм шинжилгээний бага хурал амжилттай зохиогдож өндөрлөлөө

Газарзүй, геологийн салбарын
залуу эрдэмтэн, судлаачдын "Хүрэлтогоот-2010"
 эрдэм шинжилгээний бага хуралд оролцогсод

БСШУЯ, ШУА, ШУТС, НЗДТГ-ын дэмжлэгтэйгээр Монголын Залуу Эрдэмтдийн Холбооноос зохион байгуулдаг Боловсрол Соёл Шинжлэх Ухааны сайдын нэрэмжит Геологи-Газарзүйнс албарын  “Хүрэлтогоот 2010” эрдэм шинжилгээний бага хурал энэ сарын 22-23-нд ШУА-ийн ООГСТ-ийн харъяа одон орон судлах Оргил төвд амжилттай зохиогдож өндөрлөлөө.  

Хуралд МУИС-ийн Газарзүй-Геологийн сургууль, ШУТИС-ийн Геологи-Газрын тосны сургууль, ХААИС-ийн Агробиологийн сургууль, ШУА-ийн Газарзүйн хүрээлэн, Геологи эрдэс баялагийн хүрээлэн, Геоэкологийн хүрээлэн болон Ус цаг уурын хүрээлэнгийн эрдэм шинжилгээний ажилтанууд, багш нар оролцсон бөнөөд энэ жил сонирхолтой, шинэлэг санаа, арга аргачлалыг дэвшүүлсэн олон илтгэлүүд хэлэлцүүлэгдсэнээс дараах илтгэлүүд шалгарсан байна. Үүнд:

дэлгэрүүлж унших...

МЭНДЧИЛГЭЭ

МЭНДЧИЛГЭЭ

Газарзүй, Геологийн салбарын залуу эрдэмтэн судлаачдын холбоо нь газарзүй, геологи, ус цаг уур, экологи, палеонтлоги, газрын харилцааны салбарын залуу судлаач, багш, мэргэжилтнүүдийн үзэл бодол, үйл ажиллагааг нэгтгэх, холбох зорилготойгоор 2004 онд анх байгуулагдсан юм. Үйл ажиллагааныхаа хүрээнд Монголд болон гадаадад эрдэм, шинжилгээний ажил эрхэлж, сурч боловсорч буй залуу судлаач, эрдэмтэн, оюутнуудад туслах, мэдлэгээ өргөжүүлэн, эрдэм шинжилгээний болон бусад байгууллагуудтай хамтран ажиллахад туслалцаа үзүүлэх чиглэлд анхаарал тавин ажилладаг бөгөөд өнөөдрийн байдлаар эгнээндээ ШУ, боловсролын салбарт ажиллаж, сурч буй 100 гаруй залуусыг нэгтгээд байна. Манай холбооний үүд хаалга бүтээлч сэтгэлгээтэй, оюунлаг бүхий л залууст байнга нээлттэй байдаг билээ.

Холбооныхоо гишүүдийн бүтээлийг олны хүртээл болгож, үйлдвэрлэлд нэвтрүүлэх, ШУ ба үйлдвэрлэлийн холбоог бэхжүүлэх зорилгоор БСШУЯ, ШУА, ШУТС-тай хамтран “Хүрэлтогоотын семинар”-ийг жил бүр уламжлал болгон явуулж, шалгарсан бүтээлүүдийн товхимолыг гарган, шилдэг бүтээлүүдэд БСШУ-ны сайдын нэрэмжит грант болон бусад шагналыг  олгож ирлээ. Цаашид өөрийн холбооны гишүүд болон холбооны үйл ажиллагааг дэмжигч байгууллагуудтай хамтран боловсрол, шинжлэх ухаан, соёл, чөлөөт цагийн олон арга хэмжээ зохион явуулахаар төлөвлөж байна. Иймд холбооны гишүүд, дэмжигчид та бүхнийг дараа дараагийн үйл ажиллагаанд идэвхтэй оролцоно гэдэгт итгэж байна. 

Улс орны хөгжлийн томоохон үзүүлэлтийн нэг нь яах аргагүй шинжлэх ухаан, боловсрол, технологи юм. Харин шинжлэх ухаан, технологийн хөгжлийг залуус бид авч явах учиртай.

дэлгэрүүлж унших...

ГЕОЛОГИЙН БОЛОВСРОЛ 50 ЖИЛ (Хөтөлбөр)

 

дэлгэрүүлж унших...

Хугацаа сунгах тухай

Монголын Залуу Эрдэмтдийн Холбооноос зохион байгуулдаг Боловсрол Соёл Шинжлэх Ухааны сайдын нэрэмжит Залуу Эрдэмтэн судлаачдын эрдэм шинжилгээний “Хүрэлтогоот 2010” бага хурлыг 2010 оны 10 дугаар сард зохион байгуулж байгаа билээ.  Энэхүү хуралд оролцож илтгэл тавих болон "Залуу эрдэмтдийн бүтээл" эрдэм шинжилгээний бичигт өгүүлэлээ нийтлүүлэхээр өгөх хугацааг холбооны зарим гишүүдийн хүсэлтээр 2010 оны 10 сарын 15 буюу энэ баасан гараг хүртэл сунгаж байгааг анхаарна уу. Үүнээс хойш сунгах боломжгүй тул та бүхэн идэвхтэй оролцож илтгэл болон өгүүлэлээ өгнө үү. 

Хуралтай холбоотой асуудлаар доорх хаягаар хандана уу

В.Баярмаа. ШУА. Газарзүйн хүрээлэн. Утас: 99057680 е-mail: m_bayarmaa@yahoo.com

дэлгэрүүлж унших...

Монгол улсад “Нээлттэй мэдээллийг” сурталчлах өдөрлөгийн нээлтийн ажиллагаанд хүрэлцэн ирэхийг урьж байна

дэлгэрүүлж унших...

Нээлттэй Мэдээллийн (Open Access-OA) тухай товч танилцуулга

Энэ онд анх удаагаа, Их Британийн Умард Ирландын Нэгдсэн Вант Улсын Оксфорд хотноо төвтэй Шинжлэх Ухааны Бүтээлийн Хүртээмж Олон Улсын Сүлжээ/INASP-International Network for the Availability of Scientific Publications/ байгууллагаас өөрийн сүлжээний болон хамтрагч орнуудын дунд “Олон улсын Нээлттэй Мэдээллийн долоо хоног”-ийн үйл ажиллагааг сурталчлан танилцуулах 10 төсөл шалгаруулах уралдаан зарласан юм.

Энэхүү уралдаанд эрдэмтэн, судлаач нарт зориулан дэлхийн эрдэм шинжилгээний бүтээлээс хүртэх, өөрсдийн бүтээл, судалгааг олон нийтэд ямар арга замаар хүргэх, ингэхдээ зохиогчийн эрхийн асуудлыг хэрхэн шийдвэрлэх зэргийг сурталчлан таниулахаар Шинжлэх ухааны Академийн Залуу эрдэмтдийн төслийн баг, Монголын Номын Сангуудын Консорциум, Монголын Залуу Эрдэмтдийн Холбоо хамтран төлөл бичсэн ба уг төсөл 2010 оны уралдаанд анх удаагаа шалгарлаа.

Дэлхий даяар жил бүрийн 10-р сарын 18-24-нийг “Олон улсын Нээлттэй Мэдээллийн долоо хоног” болгон зарлаж, нээлттэй мэдээллийг сурталчлах ажиллагааг 2006 оноос хойш 4 дэх жилдээ улс орон, бүс нутгийн хэмжээнд зохион байгуулж ирсэн.

Нээлттэй мэдээллийн (Open Access-OA) бүтээлүүд нь үнэ төлбөргүй, онлайнаар, зохиогчийн эрх нь бараг чөлөөтэй, лицензийн хязгаарлалтгүйгээр хэрэглэгчдэд ашиглагдах шаардлагыг хангасан байдаг.

дэлгэрүүлж унших...

Osaka University

Osaka их сургуулийн хөтөлбөрийн талаар сонирхсон оюутан залуус

 http //e-apply.jp/shutsugan/c/osaka-univ/  хаягаар орж  бүртгүүлнэ үү.

дэлгэрүүлж унших...

Searching for a Mongolia PhD candidate

Reid,Robin <Robin.Reid@ColoState.EDU> wrote:

Dear colleagues:

Here is the position description for a Mongolian PhD student working on the ecological aspects of our new NSF project.  I want to first give our Mongolian colleagues a chance to apply, but will open it more widely in December if we do not get a qualified Mongolian candidate by then.  I would be grateful if you would circulate this to appropriate people or suggest folks I should send this to.  Please note that if the applicant has not taken the GRE general test, the late registration for next test is 15 October 2010 (the test is 20 November 2010 at Mongolian Technical University ).  Many thanks.

 

Robin 

дэлгэрүүлж унших...

ERASMUS MUNDUS –ийн тэтгэлэгт хөтөлбөр зарлагдлаа

Европын Холбооноос санхүүждэг ERASMUS MUNDUS хөтөлбөрийн хоёрдугаар үе 2009- 2013 онд явагдаж байна.

Тус хөтөлбөрийн гол зорилго нь

·         Европын холбооны улс хоорондын болон хөгжиж буй улсын ИДС-ийн хамтын ажиллагааны дүнд боловсролын чанарыг сайжруулах

·         Европын болон хөгжиж буй орны авьяаслаг залуучуудыг хөгжүүлэх

·         Хөгжиж буй орнуудын ИДС-тай хамтран ажилласнаар тэдгээр улсын боловсон хүчнийг чадавхжуулах

·         Хөгжиж буй орны иргэдийг Европ-д боловсрол эзэмших боломжийг нэмэгдүүлэх

дэлгэрүүлж унших...

Монголын Бахархал

Эх орноо 108 хоногт багтаан тойрох аялал болон аялалын багийн гишүүдийн талаар манай блог өмнө та бүхэнд мэдээлж байсан билээ. Тэгвэл Монголын Залуу Эрдэмтдийн Холбооноос Монгол орныг 108 хоног тойрон аялсан аялалын багийн ахлагч Г.Довчиндоржийг 2010 оны Монголын шилдэг залуучуудыг тодруулах "Монголын Бахархал"-д нэр дэвшүүлсэн байна. Энэхүү шалгууралтанд Г.Довчиндорж шалгарч Монголын бахархалт  9-н залуугийн нэг боллоо. Ингээд Г.Довчиндорждоо нийт залуу эрдэмтэн, судлаачдын зүгээс баяр хүргэж байна.  Эрдмийн их үйлс тань үргэлж амжилт бүтээлээр дүүрэн байхыг хүсэе. 

дэлгэрүүлж унших...

“Хүрэлтогоот 2010” эрдэм шинжилгээний бага хурал

Монголын Залуу Эрдэмтдийн Холбооноос зохион байгуулдаг Боловсрол Соёл Шинжлэх Ухааны сайдын нэрэмжит Залуу Эрдэмтэн судлаачдын эрдэм шинжилгээний “Хүрэлтогоот 2010” бага хурлыг 2010 оны 10 дугаар сард зохион байгуулах гэж байна. 

Энэ удаагийн геологи- газарзүйн салбарын залуу эрдэмтэн судлаачдын хурал 2010 оны 10 дугаар сарын 22-нд Хүрээл тогоот цогцолборт болох ба геологи, газарзүйн салбарын хамрах байгууллага тус бүрээс 2-3 илтгэл шалгаруулан оролцуулах юм. 

Энэхүү ирүүлсэн бүтээлүүдийг бүгдийг  “Хүрэлтогоот 2010”  залуу эрдэмтдийн бүтээлд  хэвлэх ба тус бага хуралд шалгаран эхний байрт орсон 35 хүртэлх насны 1 залуу эрдэмтэнд БСШУ-ны сайдын нэрэмжит 2 сая төгрөгийн грантыг олгоно. 

Хуралд оролцох судлаачдын нэрсийг 2010.10.02-ны дотор, материалыг 2010.10.05-ны дотор зохион байгуулах комисст хаягаар, дараахь форматын дагуу ирүүлнэ үү. 

Хуралд оролцох хүмүүс тус бүр 15000 төгрөгийн хураамж /хоол, унаа, бүтээлийн эмхтгэлийн зардал/ төлнө.

Бүрдүүлэх материал:

1. Байгууллага эсвэл эрдмийн зөвлөлийн тодорхойлолт

2. Илтгэл /файл болон хэвлэмэл хэлбэрээр/

Бүтээлд тавигдах шаардлага:

• В5 хэмжээтэй 5-аас илүүгүй хуудас байна
• Хуудасны зах дээр, доор, баруун, зүүн адилхан 2,5 см зайтай байна
• Мөр хоорондын зай Single
• Times New Roman фонт ашиглаж бичнэ
• Өгүүллийн хураангуйг Англи эсвэл Орос хэлээр бичнэ (хэрэв өгүүлэл өөрөө Англи, Орос хэл дээр бичигдсэн бол хураангуйг Монгол хэлээр бичнэ).
• Өгүүлэл доторх зураг, графикийг хар, цагаанаар хэвлэх тул өнгийг тохируулан сонгож хийнэ
• Өгүүлэлд орох фото зургийг 300 dpi resolution-тай, тусад нь файл үүсгэн авчирч өгнө

Жич: Энэ жилээс эхлэн салбарын бүтээлийг “илтгэлийн эмхэтгэл” нэртэйгээр гаргаж байсныг өөрчилж “Залуу эрдэмтдийн бүтээл” гэж нэрлэн редакцын зөвлөлтэй болгосон бөгөөд өмнө нь ирсэн зарим бүтээлүүд хэл найруулгын алдаа ихтэй, эрдэм шинжилгээний өгүүлэлийн шаардлага хангахгүй хэвлэгдэж байгаа талаар ШУА-ын зүгээс сануулсантай холбогдуулан редаkцын зөвлөлтэй болгож байгаа болно. 

Хуралтай холбоотой асуудлаар доорх хаягаар хандана уу

В.Баярмаа. ШУА. Газарзүйн хүрээлэн. Утас: 99057680 е-mail: m_bayarmaa@yahoo.com

дэлгэрүүлж унших...

Шинжлэх ухаанч залуу эрдэмтний шагналт М.Болорцэцэг

2008 оны олон улсын шинжлэх ухаанч таван эмэгтэйн нэгээр шалгарч байсан залуу эрдэмтэн М.Болорцэцэгийг палеонтлогийн шинжлэх ухааны салбарт үнэтэй хувь нэмэр оруулсныг үнэлж “National Geographic” 2010 оны шинжлэх ухаанч залуу эрдэмтний шагналыг олголоо. 

Гадныхны хувьд Монголыг динозаврын гайхамшигт олдворуудаар нь мэддэг. Гэтэл Монголчууд өөрсдөө үндэсний баялгаа тоож ойлгодоггүй сэтгэхүйг М.Болорцэцэг өөрчилж Монголын палеонтлогийн музей байгуулахыг мөрөөддөг. 

Одоогоор мөрөөдөл нь биелэлээ олоход ойртсон бөгөөд зураг төслөө бэлдэж хөрөнгө хайх замдаа гарчээ. “Би Нью-Йорк хотноо докторын зэрэг хамгаалж байхдаа үзсэн Байгалийн түүхийн музейг үзээд үнэхээр гайхамшигтай сэтгэгдэл төрсөн. 

Яг тийм музей Монголдоо байгуулахыг хүсч байна” хэмээн мөрөөдлөө хуваалцсан байна

дэлгэрүүлж унших...

108 ХОНОГ - Хөх монголын хязгаар нутгаар (Үүргэвчтэй аялал)

Эх орноо 108 хоногт багтаан тойрох аялал 2010 оны 6 сарын 14 нд Сүхбаатрын талбайн Баруун урд байрлах монгол орны автозамын "0" цэгээс эхэлсэн билээ.  Одоогийн байдлаар энэхүү аялал нь 71 дэх хоног дээрээ явж байгаа бөгөөд хамгийн сүүлийн мэдээгээр Тахийн талд явж байгаа гэнэ. Энэхүү аялалыг Монголын Залуу Эрдэмтэдийн Холбоо дэмжин ажиллаж байна. Аялалын багийн ахлагчаар Г.Довчиндорж, гишүүн Б.Сансар, Д.Хишигбаяр гэсэн бүрэлдэхүүнтэйгээр аялан яваа ажээ. Аялалын талаарх мэдээ мэдээллийг дараах вэб блогоос үзэх боломжтой юм.    http://108day.miniih.com

дэлгэрүүлж унших...

ШИНЖЛЭХ УХААН, ТЕХНОЛОГИЙН 2011 ОНООС ЭХЛЭН ХЭРЭГЖҮҮЛЭХ ТӨСЛИЙН ГҮЙЦЭТГЭГЧИЙГ СОНГОН ШАЛГАРУУЛНА

Монгол Улсын Засгийн газрын 2010 оны 36 дугаар тогтоолоор батлагдсан “Шинжлэх ухаан, технологийн төсөл хэрэгжүүлэх журам”-ын  дагуу 2011 оноос эхлэн хэрэгжүүлэх шинжлэх ухаан, технологийн төслийг дараах чиглэлүүдээр зарлаж байна. 

Төслийн гүйцэтгэгчээр оролцох сонгон шалгаруулалтанд оролцох төслийн саналыг 2010 оны 9 дүгээр сарын 27-ны өдрийн 17-00 цаг хүртэл Боловсрол, соёл, шинжлэх ухааны яамны 207 тоот өрөөнд хүлээн авна.

Сонгон шалгаруулалтанд оролцогч нь гүйцэтгэгчээр ажиллах төслийг  “Шинжлэх ухаан, технологийн төсөл хэрэгжүүлэх журам”-ыг баримтлан боловсруулна. 

дэлгэрүүлж унших...

СУДЛААЧДЫН АНХААРАЛД

JSPS RONPAKU хөтөлбөрийн 2011 оны тэтгэлгийн зар

Шинжлэх ухааныг дэмжих Японы нийгэмлэгийн RONPAKU хөтөлбөрт хамрагдан эрдмийн зэрэг (PhD) хамгаалах судалгааны ажил хийх сонирхолтой Монголын их, дээд сургууль, эрдэм шинжилгээний байгууллагын үндсэн ажилтан бөгөөд 49 хүртэлх насны судлаачид http://www.jsps.go.jp/english/e-ronpaku/index.html-аас 2011 оны тэтгэлгийн зартай нарийвчлан танилцаж, хавсралтын дагуу шаардлагатай материалуудыг бүрдүүлэн 2010 оны 8 сарын 25-ны дотор БСШУЯ-ны Шинжлэх ухаан, технологийн газарт ирүүлнэ үү.

Холбоо барих утас: 263663

дэлгэрүүлж унших...

Call for papers

Consilience publishes four categories of written work: Scholarly Articles, Opinion Pieces, Field Notes, and Photo Essays.

We also welcome submissions to the bi-weekly Editorial Column. I welcome you to visit our website to view our first three issues. Our fourth issue is due to be published in September of this year.Given your expressed interest in sustainable development, our Editorial Board invites you and students that you may know, both undergraduate and graduate, to contribute to Consilience. We have included our Call for Submissions below, and I encourage you to forward and share this with your colleagues, as well as current and past students.

дэлгэрүүлж унших...

Австралийн Засгийн газрын тэтгэлэгт хөтөлбөр

SCHOLARSHIPS FOR MASTERS’ DEGREE STUDY IN AUSTRALIA 2012-ИЙН ТАЛААРХ МЭДЭЭЛЭЛИЙГ 2010 ОНЫ 8 САРЫН 9, 10-НД 10:00 ЦАГААС МУИС-ИЙН ДУГУЙ ЗААЛАНД ЗОХИОН БАЙГУУЛАГДАХ ЛЕКЦЭНД ХҮРЭЛЦЭН ИРЖ АВНА УУ.

дэлгэрүүлж унших...

International Scholars Exchange Fellowship Programme

The purpose of the International Scholar Exchange Fellowship is to enhance international exchange and cooperation in learning in order to promote academic advancement and mutual understanding among various cultural groups.

The International Scholar Exchange Fellowship Programme (ISEFP) is aimed at enhancing academic exchange and cooperation among international scholars by providing them with opportunities to visit and stay in Korea for one year to conduct research. The fellowship provides comprehensive research expenses for a year that include a living allowance, honorarium of 1.000.000 won after successful submission of their research reports to the Foundation, a round-trip airplane ticket and a medical insurance. During the fellowship period in Korea, the fellows enjoy free access to the KFAS facilities, such as study carrels/seminar rooms, and a library. This program currently focuses on scholars from Asia and is interested in inviting young and outstanding scholars in the fields of humanities, social sciences, law, management, petrochemical engineering, electrical engineering (electronic science), telecommunications, and computer science. 

дэлгэрүүлж унших...

Хүний нөөцийг хөгжүүлэх тэтгэлэгт хөтөлбөр

Монгол улсын засгийн газар нь Япон улсын засгийн газрын тусламжаар “Хүний нөөцийг хөгжүүлэх тэтгэлэгт хөтөлбөр（JDS）” ийг 2001 оноос хэрэгжүүлж байна.

Уг хөтөлбөрийн зорилго нь Монгол Улсын нийгэм, эдийн засгийн хөгжлийн зорилтуудыг шийдвэрлэхэд төлөвлөгөөний боловсруулалт, хэргэжилтэнд улс орноо 21-р зуунд удирдан жолоодож чадахуйц итгэл найдвартай, шилдэг, залуу төрийн албан хаагчийг бэлтгэхэд оршино. Мөн түүнчлэн гадаад оюутнууд Япон орныг сайтар ойлгож, хоёр орны найрамдалт харилцааны үндсийг хөгжүүлж, бэхжүүлнэ гэдэгт итгэл найдвар тавьж байна. Уг хөтөлбөрөөр Япон улсын магистрантурт суралцах болсон оюутнууд мэргэжлийн мэдлэг олж авахын зэрэгцээ судалгаа хийн түүгээрээ дамжуулан хүмүүс хоорондын харилцаа холбоог тогтоож, өөрийн оронд тулгараад буй нийгэм, эдийн засгийн хөгжилд холбогдох асуудлуудыг шийдвэрлэхийг хүсч байна. Тус хөтөлбөр нь өнгөрсөн жилээс эхлэн JDS дэд хөтөлбөрт нийцсэн байгууллагуудаас (зөвхөн төрийн байгууллагууд) элсэлт авах болсон бөгөөд уг төсөлд дараах байгууллагууд хамрагдах болно. 

Бүртгэлд хамрагдахыг хүсэгч нь харъяа байгууллагынхаа төрийн захиргааны удирдлагын газар эсвэл хүний нөөцийн албаны хариуцагчтай холбогдож болох ба түүнчлэн JICE　JDS Монгол дахь төлөөлөгчийн газартай холбогдон 10-р сарын 12-ны өдрийг хүртэл харъяа байгууллагаараа дамжуулан JICE　JDS Монгол дахь төлөөлөгчийн газар бүртгэлийн материалыг ирүүлнэ үү. 

Энэ жил англи хэлээр нийт 18 тэтгэлэгт оюутныг суралцуулах ба тэнцэгч нь 2011 оны зунаас (Осакагийн их сургуулийн хувьд 2012 оны өвлөөс) Японд магистрантур оюутан болж Япон улсад судалгааны ажлаа эхлэх болно. 

1. JDS ХӨТӨЛБӨРИЙН ОНЦЛОГ

JDS хөтөлбөр нь их дээд сургуулийн сургалтын төлбөр болон бусад шаардлагатай сургалтын хураамж, сар бүрийн байр / амьжиргааны зардал, эрүүл мэндийн даатгал, хоёр талын онгоцны зардал, бусад тэтгэмж (Японд анх очиход олгох тэтгэмж, сургалтын материал худалдан авах тэтгэмж гэх мэт) олгогддог. Мөн оюутнууд Япон улсад суралцаж байх хугацаанд сургалт болон амьжиргааны тал дээр тулгамламдаж буй асуудлынхаа талаар тогтмол зөвөлгөө авах боломжтой. Мөн шаардлагатай гэж үзсэн тохиолдолд Монгол хэл дээр зөвөлгөө өгөх гэх мэтээр гадаад оюутнуудыг дэмжих бүхий л талын туслалцаа үзүүлдэг. 

2. ЭЛСЭЛТЭНД ТАВИГДАХ ШААРДЛАГА

(1) Иргэншил： Монгол улсын иргэн байх. 

(2) Нас： 2010 оны 4-р сарын 1-ны байдлаар 22-оос дээш, 40-өөс доош настай байх. (1971 оны 4-р сарын 2-ноос 1989 оны 4-р сарын 1-ны хооронд өмнө төрсөн байх)

(3) Боловсролын түвшин： Баклаврын зэрэгтэй байх. (Монгол улсын засгийн газар болон бусад орны засгийн газраас албан ёсоор магадлан итгэмжлэгдсэн сургууль байх)

(4) Ажлын туршлага： Өргөдөл хүлээн авах эцсийн хугацаа болох 2010 оны 10-р сарын 12-ны байдлаар харьяалагдаж буй байгууллагадаа баклаврын зэрэг горилсоноос хойш 2-оос дээш жил ажилласан байх. (Их сургууль төгсөхөөс өмнөх ажилласан хугацаа болон гэрээт ажил, ажлаас чөлөөтэй байх хугацаа зэргийг хамрахгүй) Доорх 3-т заасанчлан өргөдөл гаргагч нь төсөлд хамрагдах байгууллагынхаа үндсэн ажилтан байна.

(5) Хэлний мэдлэгийн түвшин： TOEFL　PBT 500 орчим байх.

(6) Эрүүл мэндийн байдал： Бие, сэтгэл эрүүл байх. 

(7) Дараах хүмүүс элсэлтэнд хамрагдах боломжгүй:

a. Одоогийн байдлаар Японы засгийн газрын (Боловсролын яам) тэтгэлэг, бусад гадаад орны засгийн газрын тэтгэлэг, хувийн секторын тэтгэлэгийг авч байгаа (мөн тэтгэлэг авах төлөвлөгөөтэй байгаа) хүн. 

b. Урьд өмнө нь эрдмийн зэрэг горилохын тулд Монгол улсын засгийн газар, Япон улс болон бусад гадаад орны тэтгэлэгээр магистрантурт суралцсан хүн. 

c. JDS төсөлд хамрагдах байгууллагуудад харъяалагддаггүй хүн. 

d. Харъяа байгууллагынхаа үндсэн ажилтан биш бол элсэлтэнд хамрагдах боломжгүй. 

e. Одоогийн байдлаар цэргийн алба хааж байгаа хүн. Аль эсвэл цэргийн харъяалалтай хүн.

(8) Бусад:

Гадаад оюутан нь Японд суралцаж төгсөөд сурч мэдсэн мэдлэг, ур чадвараа ашиглан эх орныхоо хөгжил цэцгэлэлтэнд хувь нэмрээ оруулах үүрэгтэй бөгөөд Монгол улсын засгийн газраас гаргасан тангаргын бичигт гарын үсэг зурах шаардлагатай. 

3. JDS ХӨТӨЛБӨРИЙН ХҮРЭЭ

Дараах бүрэлдэхүүн хэсэг тус бүрээр шийдвэрлэх асуудал болон түүнтэй нягт уялдаа холбоо бүхий байгууллагуудыг төсөлд хамрагдах байгууллагаар сонгосон байгаа бөгөөд өргөдөл гаргагч нь төсөлд хамрагдах байгууллагаас нэр дэвшигдэн, зөвхөн хамаарагдах дэд бүрэлдэхүүн хэсэгт бүртгүүлэх боломжтой. Мөн төсөлд хамрагдах байгууллагын доод байгууллагаас өргөдөл гаргах боломжтой ба дээд байгууллагаараа дамжуулан өргөдөлөө өгнө.

Төсөлд хамрагдах байгууллагыг Монгол улсын засгийн газар болон Япон улсын засгийн газрын төлөөллөөс бүрдэх Удирдах зөвлөлийн хурлаар хэлэлцэн сонгож шийдвэрлэсэн болно. 

【Дэд бүрэлдэхүүн хэсэг 1-1　Хуулийн тогтолцоог сайжруулах】　Хүлээн авах их сургууль： Кюүшюүгийн их сургууль

Хууль зүй, дотоод хэргийн яам, Гадаад харилцааны яам, Сангийн Яам, Дээд шүүх, Ерөнхий прокурорын газар, Үндсэн хуулийн цэц, Төрийн өмчийн хороо, Улсын их хурлын тамгын газар, Санхүүгийн зохицуулах хороо, Шудрага өрсөлдөөн, хэрэглэгчийн төлөө газар, Мэргэжлийн хяналтын ерөнхий газар, Оюуны өмчийн газар, Авлигалтай тэмцэх газар 

【Дэд бүрэлдэхүүн хэсэг 1-2　Санхүү, эдийн засгийн менежмэнт】 Хүлээн авах их сургууль： Хитоцүбашигийн их сургууль

Сангийн яам, Санхүүгийн зохицуулах хороо, Монгол банк, Хүнс, хөдөө аж ахуй, хөнгөн үйлдвэрийн яам, Төрийн өмчийн хороо, Шудрага өрсөлдөөн, хэрэглэгчийн төлөө газар, Улсын Их Хурлын Тамгын Газар, Стандарчлал, хэмжилзүйн газар, Үндсэний хөгжлийн хүрээлэн 

【Дэд бүрэлдэхүүн хэсэг 1-3 Үйлдвэрлэлийн менежтент, төрийн бодлого зохицуулалт】　Хүлээн авах их сургууль： Олон улсын их сургууль

Сангийн яам, Засгийн газрын хэрэг эрхлэх газар, Гадаад харилцааны яам, Монгол банк, Хүнс, хөдөө аж ахуй, хөнгөн үйлдвэрийн яам, Эрдэс баялаг, эрчим хүчний яам, Төрийн өмчийн хороо

【Дэд бүрэлдэхүүн хэсэг 2　Суурь боловсрол, ажлын дадлага】　Хүлээн авах их сургууль： Осакагийн их сургууль

Боловсрол, соёл, шинжлэх ухааны яам, Монгол улсын их сургууль, Монгол улсын боловсролын их сургууль, Монгол улсын хөдөө аж ахуйн их сургууль, Монгол улсын шинжлэх ухаан, технологийн их сургууль, Монгол улсын эрүүл мэндийн шинжлэх ухааны их сургууль, Монгол улсын Ховд их сургууль, Монгол улсын Дорнод дээд сургууль

【Дэд бүрэлдэхүүн хэсэг 2 Байгаль орчны хамгаалалт】 Хүлээн авах их сургууль： Цүкүбагийн их сургууль

Байгаль орчин, аялал жуулчлалын яам, Хүнс, хөдөө аж ахуй, хөнгөн үйлдвэрийн яам, Эрдэс баялаг, эрчим хүчний яам, Цөмийн энергийн газар, Стандарчлал, хэмжилзүйн газар, Монгол улсын хөдөө аж ахуйн их сургууль, Монгол улсын эрүүл мэндийн шинжлэх ухааны их сургууль, Биологийн хүрээлэн, Ботаникийн хүрээлэн, Геоэкологийн хүрээлэн

【Дэд бүрэлдэхүүн хэсэг 3 Хотын хүрээлэн буй орчныг сайжруулах】　Хүлээн авах их сургууль： Тоёогийн их сургууль

Зам тээвэр, барилга, хот байгуулалтын яам, Байгаль орчин, аялал жуулчлалын яам, Эрдэс баялаг, эрчим хүчний яам, Нийслэлийн тамгын газар, Ботаникийн хүрээлэн, Геоэкологийн хүрээлэн

【Дэд бүрэлдэхүүн хэсэг 3 Хөгжлийн инженэрчлэл/ICT】　Хүлээн авах их сургууль： Токёогийн технологийн их сургууль 

(Хөгжлийн инженэрчлэл)

Зам тээвэр, барилга, хот байгуулалтын яам, Байгаль орчин, аялал жуулчлалын яам, Эрдэс баялаг, эрчим хүчний яам, Нийслэлийн тамгын газар, Монгол улсын шинжлэх ухаан, технологийн их сургууль

(ICT)

Зам тээвэр, барилга, хот байгуулалтын яам, Гадаад харилцааны яам, Мэдээлэл, шуудан, харилцаа холбоо, технологийн газар, Харилцаа холбооны зохицуулах газар, Монгол банк 

 Горилох эрдмийн зэрэг: Магистр (2 жил)

 Суралцах хэл: Англи хэл

 Япон руу явах хугацаа: 2011 оны зун

4. Бүртгэл

(1) “Элсэгчдэд зориулсан удирдамж”-ийг дараах газраас авна уу. 

a. Харъяа байгууллагынхаа төрийн захиргааны удирдлагын газар, хүний нөөцийн алба

b. JICE – JDS хөтөлбөрийн вэбсайт　　http://sv2.jice.org/jds/ *элсэлтийн материалыг татаж авах боломжтой. 

c. JICE JDS Монгол дахь төлөөлөгчийн газар　

(2) Элсэлтийн материал дээр шаардлагатай хэсгийг бөглөн, бусад шаардлагатай бичиг баримтыг бүрдүүлэн харъяа байгууллагынхаа хариуцаж буй албаар дамжуулан JICE JDS Монгол дахь төлөөлөгчийн газар ирүүлнэ үү. 

Өргөдөл хүлээн авах эцсийн хугацаа: 2010 оны 7 -р сарын 20-ны өдрөөс 10-р сарын 12-ны өдөр хүртэл

5. Бүртгэлийн талаарх лавлагаа авах хаяг　

JICE JDS Монгол дахь төлөөлөгчийн газар

Хаяг: Монгол-Япон Төвийн байр, 210 тоот, Их сургуулийн гудамж, Төв Ш/Х 917, Улаанбаатар 13 

Материал хүлээж авах цаг: Даваа - Баасан, 10:00-12:30, 14:00-18:00 Утас: 55150415, 55150416

дэлгэрүүлж унших...

СУРГАЛТЫН ТӨРИЙН САНГИЙН ЗЭЭЛЭЭР ГАДААДАД МАГИСТРАНТУР, ДОКТОРАНТУРТ СУРАЛЦУУЛНА

“Сургалтын төрийн сангийн санхүүжилтээр гадаадад магистрантур, докторантурт суралцах хүмүүсийг шалгаруулах журам”-ын дагуу 2010-2011 оны хичээлийн жилээс гадаадын нэр хүндтэй их сургуулийн магистрантур, докторантурт суралцах иргэдийг шалгаруулж, Сургалтын төрийн сангийн зээлээр суралцуулна.

Уралдаант шалгалтад тухайн зарлагдсан мэргэжлийн чиглэлийн дагуу бакалавр /докторын сургалтад хамрагдах хүсэлтэй хүмүүс магистр/-аас доошгүй боловсролтой, дипломын сурлагын голч дүн нь 3,25 ба түүнээс дээш байх, мэргэжлээрээ 2 ба түүнээс дээш жил ажилласан, судалгаа шинжилгээний ажлын туршлагатай, гадаад хэлний зохих түвшний мэдлэгтэй, гадаад улсын нэр хүндтэй шилдэг их сургуулийн үндсэн сургалтад зарлагдсан мэргэжлийн чиглэлийн дагуу шууд суралцахаар элссэн хүмүүс /цаашид ”шалгуулагч” гэнэ/-ийг оруулна. А. Бүртгэл

Уралдаант шалгалтад оролцох хүсэлтэй иргэдийг 2010 оны 8 дугаар сарын 19,20-ны өдрүүдэд 10:00-17:00 цагийн хооронд Хүмүүнлэгийн ухааны их сургуулийн хичээлийн 3 дугаар байрын 1 дүгээр давхарт бүртгэнэ. Бүртгүүлэхдээ дараах баримт бичгийг өөрийн биеэр авчирна. Үүнд: 

1.Өргөдөл (Суралцах зорилго, өөрийгөө бэлтгэсэн байдал, суралцах төлөвлөгөө, судалгааны чиглэл, төгссөний дараа хийх ажлын тухай төсөөлөл, суралцахад шаардагдах дэмжлэг, нөхцлийг тодорхой илэрхийлсэн байна);

2. Олон улсын нэр хүндтэй их сургуулийн магистрантур, докторантурын үндсэн сургалтад зарлагдсан мэргэжлийн чиглэлийн дагуу шууд суралцахаар элсүүлсэн тухай сургуулиас ирүүлсэн албан захидал (энэ санхүүжилтэд хамруулах гадаадын 500 шилдэг их сургуулийн нэрсийг Боловсрол, соёл, шинжлэх ухааны яамны вэб сайт (www.mecs.gov.mn)-ын “мэдээлэл” гэсэн хэсгийн “гадаадад суралцахыг хүсэгчдэд” зориулсан булангаас харна уу);

3.Өөрийн судалгааны ажлын товч реферат (Уг рефератыг 2000-аас илүүгүй үгэнд багтаан бичсэн байх бөгөөд судалгаа хийж буй чиглэл, эзэмшсэн арга зүй, хүрсэн гол үр дүнгээ илэрхийлсэн байна);

4.Эрдэм шинжилгээний бүтээлийн жагсаалт (сурталчилгааны чанартай бүтээл хамаарахгүй);

5.Ажил байдлын тодорхойлолт (Хамгийн сүүлд ажиллаж байсан байгууллага, судалгаа шинжилгээний ажлыг нь сайн мэдэх эрдэмтнээс ажиллаж байсан болон цаашид суралцах бэлтгэл, туршлага, зан төлөвийн онцлогийг нь тодорхойлсон тодорхойлолт, захидлыг битүүмжлэн ирүүлнэ. Тодорхойлолт, захидал бичсэн хүний хаяг, утас тодорхой байх шаардлагатай);

6.Бакалавр, магистр /докторын сургалтад хамрагдах хүсэлтэй шалгуулагчдад хамаарна/-ын диплом, дүнгийн жагсаалт, тэдгээрийн нотариатаар баталгаажуулсан хуулбар;

7. Гадаад хэлний мэдлэгийн түвшин тогтоох шалгалт өгсөн тухай баримт;

8.Шалгалтын хураамж 15000 төгрөг.

Материал дутуу, шаардлага хангахгүй иргэнийг бүртгэхгүй.

Б. Шалгаруулалт

Их сургууль, эрдэм шинжилгээний байгууллагын төлөөллөөс бүрдсэн шалгалтын комисс нь уралдаант шалгалтыг зохион байгуулна. Уралдаант шалгалтыг ярилцлага хийх, реферат хамгаалуулах хэлбэрээр авна. Шалгалтын агуулга нь шалгуулагчийн мэргэжлийн ерөнхий мэдлэгийн болон судалгааны ажлын түвшин, нийтлүүлсэн бүтээл, судалгааны ажлын онолын болон практик ач холбогдолын талаар үнэлгээ өгөхөд оршино. 

Шалгалтыг 2010 оны 8 дугаар сарын 24, 25-ны өдрийн 14:00 цагаас МУИС-ийн хичээлийн 2 дугаар байрны өргөтгөлийн 2,3 дугаар давхарын уншлагын танхимд зохион байгуулна. Шаардлага гарвал шалгалт авах нэмэлт байр гаргаж, шалгалтын үеэр жич зарлана. Шалгалтад оролцогч иргэний үнэмлэхтэй ирнэ. Иргэний үнэмлэхгүй иргэнийг шалгалтад оруулахгүй. Уралдаант шалгалтын дүнг 2010 оны 8 дугаар сарын 26-ны өдрийн 18:00 цагт Боловсрол, соёл, шинжлэх ухааны яамны гаднах самбар дээр зарлана.

Шалгуулагчдын оноог мэргэжлийн чиглэл тус бүрээр жагсааж, тухайн чиглэлээр хамгийн өндөр оноо авсан шалгуулагчийг шалгаруулна. Шалгуулагчдын оноо тэнцвэл бакалавр, магистр /докторын сургалтад хамрагдах хүсэлтэй шалгуулагчдад хамаарна/-ын дипломын голч дүнг харгалзана. Дипломын голч дүн тэнцвэл хэвлүүлсэн эрдэм шинжилгээний бүтээлийн тоо, чанарыг харгалзана. 

Шалгалтад тэнцсэн иргэнийг суралцуулах шийдвэрийг Боловсрол, соёл, шинжлэх ухааны сайд гаргана. Гадаадад суралцагч нь захиалагч байгууллагатай гэрээ байгуулна. Гэрээнд захиалагч нь сургалтын явцад хяналт тавих, суралцагчийг хугацаанд нь амжилттай төгсгөх, буцаан ирүүлэх, ажлын байраар баталгаатай хангах, зээлийг эргэн төлүүлэх тухай болон захиалагч, суралцагчийн харилцан хүлээх бусад эрх, үүргийг тодорхой тусгасан байна. 

В.Суралцах чиглэл, түвшин, захиалагч

Дор дурдсан мэргэжлийн чиглэл, суралцах түвшин, хяналтын тооны дагуу сонгон шалгаруулалтыг явуулна:

Д/Д	МЭРГЭЖЛИЙН ЧИГЛЭЛ	ЭЛСЭГЧИЙН ТОО	СУРАЛЦАХ ТҮВШИН	ЗАХИАЛАГЧ БАЙГУУЛЛАГА	ШИНЖЛЭХ УХААНЫ САЛБАР
1	Геофизик, цэвдэг судлал	1	Доктор	ШУА	Байгалийн ухаан /7/
2	Хими, биохими	1	Магистр	МХЕГ
3	Усны нөөц, нөөцийн менежмент	1	Магистр	ХХААХҮЯ
4	Байгаль орчны нөхөн сэргээлт	1	Магистр	БОАЖЯ
5	Агаарын чанарын тандалт, судалгаа	1	Магистр	БОАЖЯ
6	Нанотехнологи	1	Магистр	БСШУЯ /МУИС/
7	Молекул биологи	1	Доктор	ЭМЯ
Бүгд - 7
8	Холбоо	1	Магистр	ХЗДХЯам	Инженер, технологи /45/
9	Үйлдвэрлэлийн аюулгүй байдал	1	Доктор	ОБЕГ
10	Уул уурхайн баяжуулалт	2	Магистр	ЭБЭХЯ
11	Далд уурхайн технологи	2	Магистр	ЭБЭХЯ
12	Металлурги	2	Магистр	ЭБЭХЯ
13	Газрын тосны өрөмдлөг	1	Магистр	БСШУЯ /ШУТИС/
14	Нүүрсний гүн боловсруулалт	1	Магистр	ЭБЭХЯ
15	Нүүрсний хими	1	Доктор	БСШУЯ /МУИС/
16	Нефтийн хими	1	Доктор	БСШУЯ /МУИС/
17	Эрчим хүчний төлөвлөлт, стратеги	1	Магистр	ЭБЭХЯ
18	Гидромеханик	1	Магистр	ХХААХҮЯ
19	Усны барилга байгууламж	1	Магистр	ХХААХҮЯ
20	Барилгын техник	1	Магистр	МХЕГ
21	Ус хангамж	1	Магистр	ЗТБХБЯ
22	Авто тээвэр	1	Магистр	ЗТБХБЯ
23	Төмөр замын тээвэр	1	Магистр	ЗТБХБЯ
24	Ашигт малтмалын ордын хайгуулын өрөмдлөгийн технологи	2	Магистр-1,Доктор-1	БСШУЯ /ШУТИС/
25	Хүнсний үйлдвэрийн технологи	1	Магистр	БСШУЯ /ШУТИС/
26	Цахилгаан станц,эрчим хүчний систем, шугам сүлжээ	1	Доктор	БСШУЯ /ШУТИС/
27	Мэдээллийн аюулгүй байдал	1	Магистр	БСШУЯ /МУИС/
28	Мэдээллийнтехнолги, мэдээллийн аюулгүй байдал	1	Магистр	ХХАХҮЯ
29	Электроник	1	Магистр	БСШУЯ /МУИС/
30	Уран үйлдвэрлэлийн технологи	2	Магистр	БСШУЯ /ЦЭГазар/
31	Цөмийн инженер	1	Магистр	БСШУЯ /ЦЭГазар/
32	Цацраг идэвхит ашигт малтмалын геологи	1	Магистр	БСШУЯ /ЦЭГазар/
33	Компьютерийн программ хангамж	2	Магистр	БСШУЯ /ШУТИС/
34	Компьютерийн техник хангамж	2	Магистр	БСШУЯ /ШУТИС/
35	Компьютерийн график дизайн	1	Магистр	БСШУЯ /ШУТИС/
36	Газар зүйн мэдээллийн систем	2	Магистр	БСШУЯ /ШУТИС/
37	Төмөр замын тээвэр	1	Магистр	ЗТБХБЯ
38	Автозам	1	Магистр	ЗТБХБЯ
39	Байгаль орчны мэдээлэл зүй	1	Магистр	БОАЖЯ
40	Наноэлектроникс	1	Магистр	БСШУЯ /ШУТИС/
41	Ураны геологи	1	Магистр	БСШУЯ /ЦЭГ/
42	Үйлдвэрлэлийн механикжуулалт	1	Магистр	БСШУЯ /ШУТИС/
43	Уул уурхайн ашиглалтын технологи	1	Магистр	БСШУЯ /ШУТИС/
44	Цацраг идэвхит ашигт малтмалын геологи	1	Магистр	ЭБЭХЯ
Бүгд - 45
45	Нийгмийн бодлого	1	Магистр	БСШУЯ /МУИС/	Нийгмийн ухаан /7/
46	Хүүхдийн хөгжлийн сэтгэл зүй	1	Магистр	БСШУЯ /МУИС/
47	Орон судлал	1	Магистр	БСШУЯ /МУИС/
48	Олон улсын харилцаа, аюулгүй байдлын судалгаа	1	Магистр	МУ-ын Ерөнхийлөгчийн Тамгын газар
49	Олон улсын харилцаа	1	Магистр	ГХЯ
50	Нийгэм, соёлын антропологи	1	Магистр	БСШУЯ /МУИС/
51	Социологи, улс төр судлал	1	Доктор	ШУА
Бүгд - 7
52	Газар тариалан, агрономи	1	Магистр	БСШУЯ /ХААИС/	Хүнс, хөдөө аж ахуй /6/
53	Үрийн селекци	1	Магистр	БСШУЯ /ХААИС/
54	Хүнсний аюулгүй байдал	1	Магистр	МХЕГ
55	Ургамал хамгаалал, хорио цээр	1	Магистр	МХЕГ
56	Хөдөө аж ахуйн таримал бүтээгдэхүүн	1	Магистр	ХХААХҮЯ
57	Хөрс судлал	1	Доктор	ХХААХҮЯ
Бүгд - 6
58	Хүний нөөцийн удирдлага	2	Магистр	ХЗДХЯ	Эдийн засаг, удирдлага /15/
59	Санхүүгийн удирдлага	1	Магистр	СЯ
60	Захиргаа, хүний нөөц	1	Магистр	УИХ-ын Тамгын газар
61	Хөгжлийн эдийн засаг	1	Магистр	ЗГХЭГ
62	Газар зохион байгуулалт, газрын харилцаа	1	Магистр	ЗТБХБЯ
63	Төсвийн бодлого	1	Магистр	СЯ
64	Эдийн засаг	1	Магистр	МУ-ын Ерөнхийлөгчийн Тамгын газар
65	Эдийн засаг	1	Доктор	СЯ
66	Олон улсын худалдаа	1	Магистр	ХХААХҮЯ
67	Олон улсын эдийн засгийн харилцаа	1	Магистр	ГХЯ
68	Уул уурхайн эдийн засаг	1	Магистр	ЭБЭХЯ
69	Боловсролын удирдлага	2	Магистр-1,Доктор-1	БСШУЯ
70	Соёл, урлагийн удирдлага	1	Магистр	БСШУЯ
Бүгд - 15
71	Эмгэг судлал	1	Магистр	ЭМШУИС	Эрүүл мэнд /10/
72	Трансфузиологи	1	Магистр	ЭМЯ
73	Трансфузиологи	1	Доктор	БСШУЯ/ЭМШУИС/
74	Спортын анагаах ухаан	1	Магистр	ЭМЯ
75	Нийгмийн эрүүл мэнд	1	Доктор	ЭМЯ
76	Хавдар судлал	1	Магистр	ЭМЯ
77	Хавдар судлал	1	Доктор	БСШУЯ/ЭМШУИС/
78	Дүрс оношлогоо	1	Магистр	ЭМЯ
79	Дүрс оношлогоо	1	Доктор	БСШУЯ/ЭМШУИС/
80	Гэмтэл, согог судлал, комбустологи	1	Магистр	ЭМЯ
Бүгд – 10
81	Худалдааны эрх зүй/Олон улсын маргаан, арбитр/	1	Магистр	ЗГХЭГазар	Эрх зүй /10/
82	Хууль, эрх зүй	1	Магистр	МУ-ын Ерөнхийлөгчийн Тамгын газар
83	Хууль, эрх зүй	1	Магистр	УИХ-ын Тамгын газар
84	Хууль, эрх зүй	3	Магистр-2,Доктор-1	ХЗДХЯ /ШШГЕГ/
85	Хөрөнгө оруулалтын эрх зүй	1	Доктор	ХЗДХЯ
86	Олон улсын эрх зүй	1	Магистр	СЯ
87	Олон улсын эрх зүй	1	Магистр	ГХЯ
88	Хөдөлмөрийн эрх зүй	1	Магистр	НХХЯ
Бүгд - 10
Нийт дүн - 100

БОЛОВСРОЛ, СОЁЛ, ШИНЖЛЭХ УХААНЫ ЯАМ

2010 оны 7 дугаар сарын 20

дэлгэрүүлж унших...