Боловсрол, Соёл, Шинжлэх Ухааны Яам, Засгийн газрын хэрэгжүүлэгч агентлаг Соёл, урлагийн хорооноос шилдэг бүтээлүүдээр нийтийн номын сангийн хөмрөгийг баяжуулан, олон нийтийн хүртээл болгох зорилгоор “Шилдэг ном-2010” ээлжит сонгон шалгаруулалтыг зарлаж байна.
Сонгон шалгаруулалтад нийт байгууллага, хэвлэлийн газар, хэвлэх үйлдвэр, зохиолч, орчуулагч, иргэдийг өргөнөөр оролцохыг урьж байна.
“Шилдэг ном-2010” шалгаруулалтад ирүүлэх ном дараах шаардлагыг хангасан байна. Үүнд:
- Монгол хэл дээр 2010 онд шинээр хэвлэгдэн гарсан байх;
- Лавлагаа-танин мэдэхүй, урлаг, уран зохиол, түүхийн болон эрдэм шинжилгээний хялбаршуулсан бүтээл байх;
- Ном хэвлэлийн бүтээгдэхүүнд тавигдах олон улсын стандартыг хангасан байх;
- Шаардлагатай нөхцөлд зохиогчийн эрхийн гэрээг хавсаргах;
- Сонгон шалгаруулалтад оролцогчийн өргөдлийн маягтыг бүрэн гүйцэд бөглөсөн байх.
Жич: Байгууллага, хувь хүний ивээн тэтгэлгээр хэвлэгдсэн ном, хурлын тайлан, илтгэлүүд болон аливаа эмхтгэлийг шалгаруулалтанд оролцуулахгүй.
“Шилдэг ном-2010” шалгаруулалтад оролцох номыг 2011 оны 2 дугаар сарын 18-ний өдрийн 17.00 цаг хүртэл доорх хаягаар хүлээн авна.
Засгийн газрын хэрэгжүүлэгч агентлаг Соёл, урлагийн хороо
Улаанбаатар 210620а, Сүхбаатар дүүрэг
Соёлын төв өргөө, Г корпус, 11-р давхар, 1103 тоот
Утас: 976-11-320312
Факс: 976-11-324885
Вэб сайт: http://www.cac.gov.mn
Э-шуудан: info@ cac.gov.mn
No comments:
Post a Comment