"МЭДЛЭГЭЭ ХУВААЛЦЪЯ-2018" ГАЗАРЗҮЙ-ГЕОЛОГИЙН САЛБАРЫН ЗАЛУУ СУДЛААЧДЫН ЭЭЛЖИТ СЕМИНАР

МЗЭХ, Газарзүй, Геологийн салбарын залуу эрдэмтэн, судлаачдын холбооноос зохиогддог "Мэдлэгээ хуваалцъя-2018" дөрөв дэхь удаагийн семинар 2018 оны 05-р сарын 18-ны өдрийн 15 цагт ШУА-ийн Палеонтологи, геологийн хүрээлэнгийн Палеонтологийн байранд (Байгалийн түүхийн музейн баруун талд) зохион байгуулагдах гэж байна. Залуу судлаачид, оюутан залуус та бүхнийг семинартаа идэвхтэй оролцохыг урьж байна 🌏👩‍🏫📚

дэлгэрүүлж унших...

ГАЗАРЗҮЙ-ГЕОЛОГИЙН САЛБАРЫН ЗАЛУУ СУДЛААЧДЫН

“МЭДЛЭГЭЭ ХУВААЛЦЪЯ-2018” ЭЭЛЖИТ СЕМИНАР ГУРАВ ДАХЬ 

УДААГАА ЗОХИОГДЛОО

        

  Газарзүй, Геологийн салбарын залуу эрдэмтэн, судлаачдын холбооноос  зохиогддог  "Мэдлэгээ хуваалцъя-2018" гурав дахь удаагийн семинар 2018 оны 04-р сарын 20-ны өдрийн 15:00 - 17:00 ийн хооронд ХААИС-ийн Төв байрны 247 тоот танхимд амжилттай зохион байгуулагдлаа.

 

  Семинарт МЗЭХ-ны зохицуулагч В.Баярмаа, ГГСЗЭСХ-ны гүйцэтгэх захирал С.Амаржаргал, холбооны удирдах зөвлөлийн гишүүд, МУИС, ШУА-ийн ГГХ, ХААИС-ийн Агроэкологийн сургууль, Газрын менежментийн тэнхимийн багш, судлаачид, ХААИС-ийн газарзүй, газар зохион байгуулалтын салбарын оюутнууд оролцлоо.  

 Илтгэгч: Магистр Р.Энхбаяр /ШУТИС-ийн Геологи, уул уурхайн сургууль/

Дорнод Монголын эрт-дунд төрмөлийн гүний чулуулгийн үнэмлэхүй насны судалгаа, шинэ үр дүн

Илтгэгч: Докторант Д.Сайнбаяр /ШУА-ийн Газарзүй-Геоэкологийн хүрээлэн, Газарзүйн мэдээллийн систем-Зурагзүйн салбар/

Байгалийн болон хүний хүчин зүйлийн нөлөөллийг тооцоолон газрын доройтлыг үнэлэх нь    

 

            Илтгэгч: Магистр Л.Базарзагд /ХААИС-ийн Агроэкологийн сургууль, Газрын менежментийн тэнхим/

Нисгэгчгүй нисэх төхөөрөмж ашиглан дотор орчинг зураглах асуудалд

 

Илтгэгч: Доктор, дэд профессор Ч.Сономдагва /МУИС-ийн ХШУИС, Хүрээлэн буй орчин, ойн инженерчлэлийн тэнхим/

Улаанбаатар хотын агаарын тоосонцрын бохирдлын судалгааны дүнгээс

Семинарын дараа судлаачид, оюутнуудын дунд газарзүйн мэдлэг шалгах хөгжөөнт тэмцээн зохион байгуулж түрүүлсэн оролцогч нарыг дурсгалын зүйлээр шагнав.            

Цуврал семинарт судалгааны ажлын үр дүнгээ хэлэлцүүлж байгаа залуу эрдэмтэн, судлаачид мөн семинарыг амжилттай зохион байгуулж байгаа Газарзүй, Геологийн салбарын залуу эрдэмтэн судлаачдын холбооны удирдах зөвлөлийн гишүүдэд амжилт хүсье.

МОНГОЛЫН ЗАЛУУ ЭРДЭМТДИЙН ХОЛБОО

ГАЗАРЗҮЙ, ГЕОЛОГИЙН САЛБАРЫН ЗАЛУУ ЭРДЭМТЭН, СУДЛААЧДЫН ХОЛБОО 

дэлгэрүүлж унших...

"МЭДЛЭГЭЭ ХУВААЛЦЪЯ-2018" ГАЗАРЗҮЙ-ГЕОЛОГИЙН САЛБАРЫН 

ЗАЛУУ СУДЛААЧДЫН ЭЭЛЖИТ СЕМИНАР

        

 МЗЭХ, Газарзүй, Геологийн салбарын залуу эрдэмтэн, судлаачдын холбооноос  зохиогддог  "Мэдлэгээ хуваалцъя-2018" гурав дахь удаагийн семинар 2018 оны 04-р сарын 20-ны өдрийн 15 цагт ХААИС-ийн Төв байрны 150 тоот (Агроэкологийн сургууль талдаа) танхимд зохион байгуулагдах гэж байна. Семинартаа идэвхтэй оролцохыг урьж байна. 

Холбоо барих утас: 88007327, 99024716 

дэлгэрүүлж унших...

ГАЗАРЗҮЙ-ГЕОЛОГИЙН САЛБАРЫН 

ЗАЛУУ СУДЛААЧДЫН “МЭДЛЭГЭЭ ХУВААЛЦЪЯ-2018” ЭЭЛЖИТ СЕМИНАР ХОЁР ДАХЬ УДААГАА ЗОХИОГДЛОО

        

  Газарзүй, Геологийн салбарын залуу эрдэмтэн, судлаачдын холбооноос  зохиогддог  "Мэдлэгээ хуваалцъя-2018" хоёр дахь удаагийн семинар 2018 оны 03-р сарын 09-ний өдрийн 14:00 - 16:30 ийн хооронд МУБИС-ийн хичээлийн III байранд амжилттай зохион байгуулагдлаа.

Семинарт МЗЭХ-ны зохицуулагч В.Баярмаа, ГГСЗЭХ-ны тэргүүн, доктор А.Дашцэрэн, МУБИС-ийн Газарзүйн тэнхимийн эрхлэгч Х.Цогбадрал болон салбар холбооны удирдах зөвлөлийн гишүүд, МУИС, МУБИС, ГГХ, ХААИС, Монголын үндэсний их сургуулийн багш, судлаачид, нийслэлийн Чингэлтэй дүүргийн дунд сургуулийн 12 газарзүйн багш, МУИС, МУБИС, ХААИС-ийн газарзүй, газар зохион байгуулалтын салбарын оюутнууд тэргүүтэй нийт 100 гаруй хүн оролцлоо.

 Илтгэгч: Доктор Г.Гантулга "Хот байгуулалтын эрхзүйн орчин" (МУИС-Газарзүйн тэнхим)

Илтгэгч: Дэд профессор, доктор Ц.Бат-Эрдэнэ  “Гео-Орон зайн технологи ба хэрэглээ” (МУБИС-Газарзүйн тэнхим)

Илтгэгч: Доктрант Л.Эрдэнэбаяр "Бүсчилсэн хөгжлийн бодлогын эрхзүйн орчинг сайжруулах зарим арга зам" (УИХ-ын Тамгын газрын референт)

Илтгэгч: Магистр Б.Баянжаргал “Монгол орны зүүн бүсийн хотгор гүдгэрийн морфогенетик хэв шинж” (Газарзүй-Геоэкологийн хүрээлэн, ЭША)

Семинарын дараа оюутнуудын дунд газарзүйн асуудлаар АХА тэмцээн зохион байгуулж I байрыг МУБИС-ийн Газарзүйн II ангийн оюутан Н.Алтантуяа, II байрыг МУИС-ийн газар зохион байгуулалтын ангийн оюутан Н.Батдорж  нар эзлэж дурсгалын зүйлээр шагнуулав. 
Цуврал семинарыг амжилттай зохион байгуулж байгаа Газарзүй, Геологийн салбарын залуу эрдэмтдийн холбооны удирдах зөвлөлийн гишүүдэд амжилт хүсье.

МОНГОЛЫН ЗАЛУУ ЭРДЭМТДИЙН ХОЛБОО

ГАЗАРЗҮЙ, ГЕОЛОГИЙН САЛБАРЫН ЗАЛУУ ЭРДЭМТЭН, СУДЛААЧДЫН ХОЛБОО 

дэлгэрүүлж унших...

ГАЗАРЗҮЙ-ГЕОЛОГИЙН САЛБАРЫН 

ЗАЛУУ СУДЛААЧДЫН ЭЭЛЖИТ СЕМИНАР

        

 МЗЭХ, Газарзүй, Геологийн салбарын залуу эрдэмтэн, судлаачдын холбооноос  зохиогддог  "Мэдлэгээ хуваалцъя-2018" хоёр дахь удаагийн семинар 2018 оны 03-р сарын 09-ний өдрийн 14 цагт МУБИС-ийн хичээлийн III байрны 123 тоот танхимд зохион байгуулагдах гэж байна.  Энэ удаагийн семинарт олон сонирхолтой илтгэл хэлэлцэгдэх болно. Иймд эрдэмтэн, судлаачид, оюутан залуус та бүхнийг семинарт идэвхтэй оролцохыг урьж байна. 

Холбоо барих утас: 99099776, 88111035

дэлгэрүүлж унших...

“МЭДЛЭГЭЭ ХУВААЛЦЪЯ-2018” АМЖИЛТТАЙ ЭХЭЛЛЭЭ

МЗЭХ, Газарзүй, Геологийн салбарын залуу эрдэмтэн, судлаачдын холбооноос зохион байгуулсан “Мэдлэгээ хуваалцъя-2018” цуврал семинар энэ оны 2-р сарын 8-ны өдөр Палеонтологи-Геологийн хүрээлэн дээр амжилттай болж өндөрлөлөө.

                     

Семинарт МУБИС-ийн багш, оюутнууд, эрдэм шинжилгээний хүрээлэнгүүдийн судлаачид оролцсон ба 4 өөр чиглэлийн илтгэл хэлэлцэгдсэн нь залуу судлаачид болон оюутан залууст маш сонирхолтой байсан юм. 

ПГХ-ийн эрдэм шинжилгээний ажилтан, доктор З.Бадамхатан “Орчин цагийн палеонтологийн шинжлэх ухаан ба шинэ нээлтүүд”

ХААИС-ийн Газрын менежментийн тэнхимийн багш, доктор Л.Уранбилэг “Хотын хөгжил, чиглэлийн төлөвлөлт”

ГГХ-ийн эрдэм шинжилгээний ажилтан, магистр Х.Тэмүүжин “Алтайн нурууны зарим уулсын мөстлөгийн цаг хугацааны өөрчлөлт”

ПГХ-ийн эрдэм шинжилгээний ажилтан, докторант Л.Отгонбаатар “Геологийн зураг зохиох аргачлал”

Илтгэлүүдийн дараа хэлэлцүүлэг явагдаж, сонирхсон асуултандаа хариулт авч, халуун яриа өрнүүллээ.

Мөн семинарын үеэр оюун ухаан, авхаалж самбаа сорьсон хөгжөөнт тоглоом тоглож, МУБИС-ийн Geography багийнхан тэргүүлж Хүрэлтогоот-2017 хурлын бүтээл болон бусад зүйлсээр шагнууллаа.

               

Энэ удаагийн семинарыг амжилттай зохион байгуулсан ПГХ-ийн доктор З.Бадамхатан, Б.Майнбаяр нартаа мөн идэвхтэй оролцсон залуустаа цаашдын судалгаа болон сурлага хөдөлмөрт нь өндөр амжилт хүсэн ерөөе. Та бүхэн дараа дараагийн семинар болон үйл ажиллагаанд маань идэвхтэй оролцоорой.

МОНГОЛЫН ЗАЛУУ ЭРДЭМТДИЙН ХОЛБОО

ГАЗАРЗҮЙ, ГЕОЛОГИЙН САЛБАРЫН ЗАЛУУ ЭРДЭМТЭН, СУДЛААЧДЫН ХОЛБОО 

дэлгэрүүлж унших...

МЭДЛЭГЭЭ ХУВААЛЦЪЯ-2018

         Газарзүй, Геологийн салбарын залуу эрдэмтэн, судлаачдын холбооноос уламжлал болон зохиогддог "Мэдлэгээ хуваалцъя-2018" семинар 2018 оны 02-р сарын 08-ны өдрийн 13 цагаас ШУА-ийн Палеонтологи-Геологийн хүрээлэнгийн төв байранд зохион байгуулагдах гэж байна.  Энэ удаагийн семинарт ШУА-ийн Газарзүй-Геоэкологийн хүрээлэн, Палеонтологи-Геологийн хүрээлэн, ХААИС-ийн эрдэмтэн судлаачид сонирхолтой илтгэл хэлэлцүүлэн та бүхний сонирхсон асуултанд хариулж, хамтран ярилцах болно. Газарзүй, Геологийн салбарын залуу эрдэмтэн, судлаачид, оюутан залуус та бүхнийг семинарт идэвхтэй оролцохыг урьж байна. 

       

Холбоо барих утас: 99024716, 88069440          

дэлгэрүүлж унших...

“ХҮРЭЛТОГООТ-2017” ГАЗАРЗҮЙ, ГЕОЛОГИЙН САЛБАРЫН ШИЛДЭГ СУДЛААЧИД ТОДОРЛОО

БСШУСЯ, ШУА, ШУТС, МЗЭХ, Газарзүй, Геологийн салбарын залуу эрдэмтдийн холбоо хамтран зохион байгуулсан “ХҮРЭЛТОГООТ-2017” эрдэм шинжилгээний бага хурал 10 дугаар сарын 20-ны өдөр ООГСТ-ийн Одон орон судлах Оргил төвд амжилттай болж өндөрлөлөө. Хуралд ирсэн бүтээлүүдээс эхний шатны шалгаруулалтанд тэнцсэн 15 илтгэлийг доктор О.Мөнхцэцэг (ШУТИС), доктор Ц.Базарханд (МУИС), доктор Д.Дэлгэржаргал (ХААИС), доктор О.Алтансүх (МУИС), доктор М.Тунгалаг (ПГХ) нарын шүүгчдийн бүрэлдэхүүнтэйгээр хэлэлцэж Тэргүүн байрын эзнээр МУИС-ийн Газарзүйн тэнхимийн докторант Э.Алтанболд “Баян нуурын хотгорын үүсэл, морфологийн  тайлал” бүтээлээр, Дэд байранд Палеонтологи, Геологийн хүрээлэнгийн эрдэм шинжилгээний ажилтан Д.Санчир “Ikh-Gazryn chuluu pluton in the North-Gobi rift: New data of geochemistry and geochronology” бүтээлээрээ тус тус шалгарч БСШУСЯ-ны Сайдын нэрэмжит грантын эздээр тодорлоо. 

Тэргүүн байр грантын эзэн Э.Алтанболд. Түүнийг Хоккайдо-Монголын Харилцааны Нийгэмлэгээс Япон улсын Саппоро хотод 11 дүгээр сарын 23-25-нд болох “Хөгжлийн гарц, шинжлэх ухааны хэрэглээ” эрдэм шинжилгээний бага хуралд үнэ төлбөргүй оролцох эрхийн бичгээр шагнасан юм.

Дэд байр грантын эзэн Д.Санчир 

Мөн тусгай байранд Газарзүй-Геоэкологийн хүрээлэнгийн эрдэм шинжилгээний ажилтан Г.Батсайхан “Таримал нарсан (pinus sylvestris l.) ойн өсөлт, бүтээмжийг нэмэгдүүлэх туршилт судалгааны дүнгээс” бүтээлээр, МУИС-ийн ХШУИС-ийн магистр Б.Лхагважаргал “Уулын баяжуулах Эрдэнэт үйлдвэрийн хаягдлын сан дахь цагаан тоосны дэгдэлтийг сааруулах арга” бүтээлээрээ тус тус шалгарчээ.                             

Тусгай байрын эзэн Г.Батсайхан

Тусгай байрын эзэн Б.Лхагважаргал

 Хуралд оролцсон болон салбарынхаа нийт залуу эрдэмтэн, судлаачиддаа эрдмийн их ажилд нь өндөр амжилт хүсэн ерөөе.

МОНГОЛЫН ЗАЛУУ ЭРДЭМТДИЙН ХОЛБОО

ГАЗАРЗҮЙ, ГЕОЛОГИЙН САЛБАРЫН ЗАЛУУ ЭРДЭМТДИЙН ХОЛБОО 

дэлгэрүүлж унших...

"ХҮРЭЛТОГООТ-2017" ЭРДЭМ ШИНЖИЛГЭЭНИЙ БАГА ХУРЛЫН ЗАР

Боловсрол, Соёл, Шинжлэх Ухаан, Спортын Яам, Монголын Залуу Эрдэмтдийн Холбоо, Шинжлэх Ухаан Технологийн Сан, Шинжлэх Ухааны Академи, Монголын үндэсний томоохон их сургуулиудтай хамтран жил бүр уламжлал болгон зохион байгуулдаг "ХҮРЭЛТОГООТ-2017" бага хурлын Газарзүй, Геологийн салбарын эрдэм шинжилгээний бага хурал 10-р сарын 20-ны баасан гарагт Хүрэлтогоотын одон орон судлалын төвд зохион байгуулагдах гэж  байна. 

Тус эрдэм шинжилгээний хурал нь залуу эрдэмтэн судлаачдын бүтээлийг олон нийтэд таниулах, шинжлэх ухаан, технологийн салбарын хүний нөөцийг чадавхижуулах, эрдэмтдийн залгамж халааг бэлтгэх, шинжлэх ухааны салбарт өндөр технологи, инновацийн бүтээлч тогтолцоог бий болгох, их дээд сургууль, эрдэм шинжилгээний байгууллагуудын хамтын ажиллагаанд тулгуурлан эрдэмтэд, багш судлаачид, инженерүүдийн онолын болон хавсарга судалгааны бүтээлүүдийг нэгтгэх, судалгааны чанар, үр өгөөжийг нэмэгдүүлэх, судалгаа - инновацийн үр дүнг нийгэм, эдийн засгийн салбарт өргөнөөр нэвтрүүлэх боломжийн талаар хэлэлцэх, дүгнэлт, санал гаргахад оршдог. 

Хурлын эхний хоёр байрт шалгарсан оролцогчид БСШУСЯ-ны сайдын нэрэмжит 4 сая төгрөг бүхий грантын эзэд болохоос гадна тэргүүн байрын эзнийг 2017 оны 11 сарын  23-25-ны өдрүүдэд Япон улсын Саппоро хотын Хоккайдо Их сургуульд Монгол-Хоккайдогийн нийгэмлэгээс зохион байгуулж буй "ХӨГЖЛИЙН ГАРЦ БА ШИНЖЛЭХ УХААНЫ ХЭРЭГЛЭЭ" сэдэвт эрдэм шинжилгээний онол, практикийн хуралд 100 хувь үнэ төлбөргүй /үүнд: нислэг, унаа, буудал, хоол зэрэг орно/ оролцох эрхээр давхар шагнах юм. 

Газарзүй, Геологийн салбарын залуу эрдэмтэн, судлаачид та бүхнийг уг хуралд идэвхтэй оролцож, бүтээлээ нийтлүүлж, илтгэл хэлэлцүүлэхийг урьж байна. Хуралд оролцох, өгүүлэл хэвлүүлэх сонирхолтой судлаачид 2017 оны 10-р сарын 1-ний дотор бүтээлээ доорх хаягаар ирүүлнэ үү. 

Бүтээл хүлээн авах хаяг: 

khureltogoot.geo@gmail.com 

http://khureltogoot.mysa.mn/register

С.Амаржаргал / ГГСЗЭХ-ны Гүйцэтгэх захирал/

Утас: 99024716 

Жич: Бүтээлийн форматыг энэхүү блогийн 2017.08.30-ний өдрийн мэдээллээс татаж авна уу.

дэлгэрүүлж унших...