Хурлын зар

 Монголын залуу эрдэмтэн судлаачдын

“Хүрэл Тогоот 2012”  эрдэм шинжилгээний

бага хурлын зар

Шинжлэх ухаан, технологийн салбарын залуу эрдэмтэн, судлаачдын бүтээлийг үнэлэх, судалгааны үр дүнг нь олны хүртээл болгох, шинжлэх ухаан үйлдвэрлэлийн ач хобогдол бүхий судалгааг нь дэмжих зорилгоор БШУЯ, МЗЭХ, ШУА, ШУТС хамтран уламжлал болгон зохион байгуулдаг Газарзүй, геологийн салбарын "Хүрэлтогоот 2012" эрдэм шинжилгээний бага хурал 2012 оны 10 сарын 13 нд Хүрэлтогоот дахь Одон орон судлалын төвд зохион байгуулагдана. Хуралд илтгэл хэлэлцүүлэн оролцох залуу эрдэмтэн судлаачдаас шилдэг нэг залуу судлаачийн бүтээлийг шалгаруулж БШУ-ны сайдын нэрэмжит  ГРАНТ-ыг олгоно. Бүх оролцогчдын бүтээлийг (илтгэл) хурлын эмхэтгэлд хэвлүүлэнэ. Хурлын байр, хоол, унаа, хэвлэлийн зардлын 70 хувийг зохион байгуулах комиссоос гаргах бөгөөд нийт зардлын 30 хувь буюу 15 мянган төгрөгийг оролцогч хувиасаа гаргана.

"Хүрэлтогоот 2012" эрдэм шинжилгээний бага хуралд хэлэлцэгдэх илтгэлүүдийг 2012 оны 10-р сарын 4-нийг дуустал хүлээн авах тул залуу судлаачид өөрсдийн бүтээлийг дараах форматын дагуу бэлдэж зохион байгуулах комисст электрон хэлбэрээр ирүүлнэ үү.  

Э-майл хаяг: welcome_erka@yahoo.com, Утас: 88204418

Газарзүй, геологийн салбарын

залуу эрдэмтдийн холбоо 

дэлгэрүүлж унших...

Хурал зохион байгуулах тухай

ИХ, ДЭЭД СУРГУУЛИУД БОЛОН ЭРДЭМ ШИНЖИЛГЭЭ,

СУДАЛГААНЫ ХҮРЭЭЛЭН, ТӨВ, КОРПОРАЦИУДЫН

ЗАХИРГААНД

Хурал зохион байгуулах тухай

 

БШУЯ, ШУА, ШУТС, Технологи Инкубаторын Төв, Монголын Залуу Эрдэмтдийн Холбоо, Геологи-Газарзүйн Салбарын Залуу Эрдэмтдийн Холбоо хамтран жил бүр залуу багш, судлаач, эрдэм шинжилгээний ажилтнуудын дунд зохион байгуулдаг “Хүрэл Тогоот - 2012” эрдэм шинжилгээний бага хурал 2012 оны 10-р сарын 13-ны өдөр (Бямба гаригт) ШУА-ийн ООГСТ-ийн харъяа одон орон судлах Оргил төвийн хурлын зааланд болох тул өөрийн байгууллагын залуу ажилтнуудыг өргөнөөр оролцуулна уу.

дэлгэрүүлж унших...

ЗАЛУУ ЭРДЭМТЭН СУДЛААЧДЫН “ХҮРЭЛ ТОГООТ” ЭРДЭМ ШИНЖИЛГЭЭНИЙ ХУРЛЫН ЭРДЭМ ШИНЖИЛГЭЭНИЙ ӨГҮҮЛЛИЙН ЭМХЭТГЭЛД НИЙТЛҮҮЛЭХ ЭРДЭМ ШИНЖИЛГЭЭНИЙ ӨГҮҮЛЭЛ БИЧИХ ЗААВАР

ЗАЛУУ ЭРДЭМТЭН СУДЛААЧДЫН “ХҮРЭЛ ТОГООТ” ЭРДЭМ ШИНЖИЛГЭЭНИЙ ХУРЛЫН ЭРДЭМ ШИНЖИЛГЭЭНИЙ ӨГҮҮЛЛИЙН ЭМХЭТГЭЛД НИЙТЛҮҮЛЭХ

ЭРДЭМ ШИНЖИЛГЭЭНИЙ ӨГҮҮЛЭЛ БИЧИХ ЗААВАР

Нэг. Эрдэм шинжилгээний өгүүлэл бичихэд тавигдах шаардлага

1.      Эрдэм шинжилгээний өгүүлэл (ЭШӨ)нь дараах хэсгүүдтэй байна.

а.   Өгүүллийн нэр

б.   Зохиогчийн овог нэр, хаяг

в.   Өгүүллийн хураангуй (англи болон монгол 2 хувилбараар)

г.   Түлхүүр үг

д.   Өгүүллийн оршил

е.   Судалгааны материал арга зүй

ж.  Үр дүн ба хэлэлцүүлэг

з.   Дүгнэлт

и.   Ашигласан номны жагсаалт (Ишлэл татсан ном, зохиолын нэрс)

й.   Зохиогчийн тухай

дэлгэрүүлж унших...

ЗАРЛАЛ

“СУДАЛГААНААС ХӨГЖИЛ РҮҮ” СЭДЭВТ МОНГОЛЫН ЗАЛУУ ЭРДЭМТЭН, СУДЛААЧДЫН ЭРДЭМ ШИНЖИЛГЭЭНИЙ ХУРАЛ-д оролцох хүсэлтэй тус салбарын эрдэмтэн судлаачид өгүүлэл, илтгэлээ 5 сарын 9-ний дотор Л.Эрдэнэбаярт өгнө үү. /утас 88204418, Э-майл welcome_erka@yahoo.com/ Судалгааны ажлаа өөрийн байгууллагын эрдмийн зөвлөлийн хурлаар хэлэлцүүлсэн /протокол/ эсвэл байгууллагын тодорхойлолт авсан байх хэрэгтэйг анхаарна уу. Хурлын зарыг байгууллагуудаар албан ёсоор тарааж байгаа болно.

дэлгэрүүлж унших...

“СУДАЛГААНААС ХӨГЖИЛ РҮҮ” СЭДЭВТ МОНГОЛЫН ЗАЛУУ ЭРДЭМТЭН, СУДЛААЧДЫН ЭРДЭМ ШИНЖИЛГЭЭНИЙ ХУРАЛ

Монголын Залуу Эрдэмтдийн Холбоо, Монголын Үндэсний Худалдаа Аж Үйлдвэрийн Танхимийн хооронд байгуулсан хамтран ажиллах санамж бичгийн дагуу Монголын залуу эрдэмтэн судлаачдын эрдэм шинжилгээний хурлыг зохион байгуулж байна.

Уг хурлыг Улс орны хөгжил дэвшилд залуу эрдэмтэн судлаачдын гүйцэтгэх үүргийг дээшлүүлж, дэвшилтэт технологи, инновацийн ололтыг бизнесийн салбарт нэвтрүүлэх, Монгол Улсын хөгжилд залуу эрдэмтэн, судлаачдын оролцоо, хувь нэмрийг нэмэгдүүлэх зорилгоор Техник- технологи, Биологи-Хөдөө аж ахуй, Геологи, газар зүй, Байгалийн ухаан, Анагаах ухаан, Нийгмийн ухаан зэрэг салбарын залуу эрдэмтэн судлаачдын дунд 5 сарын 17-18 ны хооронд зохион явуулна.

дэлгэрүүлж унших...

Эрдэм шинжилгээний их семинар

Сайн байцгаана уу

МУИС-ийн Геологийн тэнхимийн  эрдэм шинжилгээний их семинарт  Японы Нийгатагийн Их Сургуулийн Дэлхий Судлалын сургуулийн профессор Масамичи Такахаши оролцож 'Early evolution of angiosperm in Cretaceous-Цэрдийн үеийн эртний ургамлын гарал үүсэл' сэдэвт лекц 5 сарын 9 ний өдөр 13 цагт МУИС-ийн 7-р байрны 114 тоот өрөөнд унших тул сонирхсон багш, судлаач, оюутнууд өргөнөөр хүрэлцэн ирнэ үү.

Геологийн Тэнхим

дэлгэрүүлж унших...

АКАДЕМИЧДЫН ЦУВРАЛ ЛЕКЦ-10

АКАДЕМИЧ Д.АМАРСАЙХАНЫ "Газарзүйн мэдээллийн системийг баяжуулахад сансрын мэдээг ашиглах нь" сэдэвт лекцэнд хүрэлцэн ирэхийг урж байна. 

Одоо үед, оронзайн мэдээ нь байгалийн нөөцийн үнэлгээ, түүний зохистой ашиглалт, нөхөн сэргээлт, хот хөдөөгийн хөгжлийн төлөвлөлт, газар ашиглалт, газрын кадастр, ашигт малтмалын болон хүнс хөдөө аж ахуйн бүтээгдэхүүний тархалт, газрын гадаргын өөрчлөлт, байгаль орчны төлөвлөлт болон мониторинг зэрэг шинжлэх ухаан, зах зээл, аж ахуйн бүх л салбарт өргөнөөр ашиглагдах боллоо.

дэлгэрүүлж унших...

"Инновацийн эрэлд" урилга

“Инновацийн эрэлд” реалити шоуны зорилго: Монгол хүний бүтээлч сэтгэхүй, шинэ санаа-санаачилгыг дэмжих, үйлдвэрлэлийн зориулалттай техник технологийн шинжтэй шинэ бүтээл, инновацийн төслүүдийг зах зээлд нэвтрүүлэх, улмаар улс орныхоо эдийн засгийн хөгжилд бодит нэмэр хандив бий болгох.

Тухайн салбарын тодорхой нэг асуудлыг шийдвэрлэхэд чиглэгдсэн, үр дүн нь богино хугацаанд зах зээлийн эргэлтэд орж, улс орны хөгжилд бодитой хувь нэмэр болох шинэ болон шинэчилсэн браа бүтээгдэхүүн, техник, технологи бий болгоход чиглэгдсэн эрдэм шинжилгээний ажил болон шинэлэг санаа агуулсан буюу инновацийн төслүүдийг дэмжих зорилгоор 2012-2013 онд хэрэгжүүлэх төслийн сонгон шалгаруулалтыг зарлаж байна.

дэлгэрүүлж унших...

БСШУ-НЫ САЙДЫН НЭРЭМЖИТ ЗАЛУУ ДОКТОРЫН ТЭТГЭЛЭГ ЗАРЛАГДЛАА

Залуу докторуудын судалгааны ажлыг дэмжих, үр дүнг инновацид шилжүүлэх, эрдэмтэдийн залуу халааг бэлтгэх зорилгоор Боловсрол, соёл, шинжлэх ухааны сайдын нэрэмжит залуу докторын тэтгэлэг зарлаж байна.

Тэтгэлэг горилогч нь Боловсрол, соёл, шинжлэх ухааны сайдын 2011 оны 06 дугаар сарын 14-ны өдрийн 222 тоот тушаалаар батлагдсан "Докторын дараах судалгаанд сайдын нэрэмжит инновацийн тэтгэлэг олгох" журмыг баримтлан төслийг боловсруулна. 

Төслийн саналыг 2012 оны  4   дүгээр сарын 10-ны өдрийн дотор Боловсрол, соёл, шинжлэх ухааны яамны 207 тоот өрөөнд хүлээж авна.

  Холбоо барих утас: 267791

Боловсрол, соёл, шинжлэх ухааны яам
дэлгэрүүлж унших...

Зар

Монголын Залуу эрдэмтдийн холбооны шинэ жил 2011 оны 12 сарын 16ны өдрийн 18 цагт 13-р хороололд байдаг Royal Irish ресторанд болно. Энэ жилийн тах 40000 төг. Газарзүй-Геологийн салбарын залуу эрдэмтэн судлаач та бүхэн өргөнөөр оролцоно уу. 

Оролцох сонирхолтой хүн байвал нэрсээ доорх хаягаар 12 сарын 13-ны дотор явуулна уу. 

m_bayarmaa@yahoo.com

Газарзүй-Геологийн залуу эрдэмтдийн холбоо

дэлгэрүүлж унших...

Шилдэг 100 залуу судлаачдын шинэ жил

Шилдэг 100 залуу судлаачдын шинэ жилийг жил бүр уламжлал болгон зохион байгуулдаг билээ. Байгууллагуудын шинэ жилтэй давхцуулахгүй байх үүднээс хугацааг арай эрт хийхээр боллоо. Салбар холбоод, ШУ-ны салбарын Байгууллагуудаас энэ онд эрдэм бүтээл, амжилтаараа шалгарсан шилдэг залуусаа энэхүү баярт урин оролцуулхыг байгууллагын удирдлагуудад хүсэж байна (Нэг хүний зардал 40.000₮).

Мөн салбар холбоод өөрийн салбарын оны шилдэг залуу судлаачдаа шалгаруулахаас гадна салбараас шалгарсан нэг хүний материалаа МЗЭХ-ны гүйцэтгэх захирал  д-р Ц.Болортамирт 12 сарын 10 ны дотор ирүүлнэ үү. Ирсэн материалаас шалгаруулалт хийсний үндсэн дээр МЗЭХ-ны  "Шилдэг Залуу Эрдэмтэн" медиалд нэр дэвшүүлнэ.

Шинэ жилийн баярын цэнгүүн 2011 оны 12 сарын 17-ны 18 цагт "ROYAL IRISH" -д болно (13-р хороололд, зүүн 4-н замын урд байдаг)

дэлгэрүүлж унших...

Зарлал

Маргааш буюу 2011 оны 11 сарын 23-ны өдөр уран зургийн галерейд Монголд Шинжлэх ухааны байгууллага үүсч хөгжсөний 90 жил, ШУА-ийн 50 жилийн ойд зориулсан үзэсгэлэнг салбар холбоодын бүх гишүүд нэгдсэн журмаар үзэх болсон тул Газарзүй-Геологийн салбарын залуу эрдэмтэн судлаач та бүхэн өргөнөөр оролцоно уу. 

Хүндэтгэсэн В.Баярмаа

дэлгэрүүлж унших...

Нийт гишүүдийн хурал

Сайн байцгаана уу?

Та бүхний энэ өдрийн мэнд хүргэе. 2011 оны 11 сарын 14-ны өдрийн 18 цагт  Газарзүй-Геологийн салбарын залуу эрдэмтдийн холбооны бүх гишүүдийн хуралтай тул та бүхэн ажлаа зохицуулан хүрэлцэн ирнэ үү.  Хурлыг МУИС-ийн хичээлийн 7-р байрны лекцийн танхимд хийнэ. (Хуучнаар Худалдаа Үйлдвэрлэлийн сургуулийн хичээлийн байр)

дэлгэрүүлж унших...

GIS Day: Урилга

Монгол Улсын Их Сургуулийн Газарзүй Геологийн сургууль, Монголын геомэдээлэлзүй судлаачдын холбоо, “Гео-мэдээлэл” блог хамтран 2011 оны 11-р сарын 16-нд Газарзүйн мэдээллийн систем(GIS day)-ийн өдрийг монголд тэмдэглэхээр төлөвлөж  байна. 

дэлгэрүүлж унших...

Газарзүй-Геологийн салбарын “Хүрэлтогоот-2011” эрдэм шинжилгээний бага хурал амжилттай болж өнгөрлөө.

БСШУЯ, ШУТС, ШУА, Монголын Залуу эрдэмтдийн холбоо, Газарзүй-Геологийн салбарын залуу эрдэмтдийн холбоо нар хамтран эрдэм шинжилгээний ажилтнуудын дунд зохион явуулдаг эрдэм шинжилгээний бага хурлын гол зорилго нь  залуу судлаачид мэдлэг мэдээлээ солилцох, тэдний бүтээлийг олон нийтэд таниулах, цаашлаад үйлдвэрлэл, практикт нэвтрүүлэх боломжийг нээх зориолготойгоор зохион байгуулагддаг билээ. Газарзүй-Геологийн салбарын залуу эрдэмтэн судлаачдын “Хүрэлтогоот-2011” эрдэм шинжилгээний ээлжит бага хурал 2011 оны 10 сарын 15-ны өдөр Хүрэлтогоот дахь Одон орон судлалын “Оргил” төвд амжилттай болж өндөрлөлөө. Хуралд ШУА-ийн тэргүүн дэд ерөнхийлөгч, академич Д.Рэгдэл, ШУА-ийн Газарзүйн хүрээлэнгийн захирал академич Д.Доржготов, МУИС-ийн Газарзүй-Геологийн сургуулийн захирал, доктор профессор В.Батцэнгэл, Усны газрын дэд дарга З.Батбаяр, “Хүннү Коал” ХХК-ний гүйцэтгэх захирал н.Батжаргал, БСШУЯ-ны ШУТГазрын мэргэжилтэн доктор Д.Одгэрэл, МЗЭХолбооны ерөнхийлөгч, доктор Ч.Сономдагва болон бусад төлөөлөгчид оролцлоо.

Хуралд нийт 15 илтгэл хэлэлцэгдснээс:

Тэргүүн байрт: ШУА-ийн Геологи эрдэс баялагийн хүрээлэнгийн Геодинамикийн секторын эрдэм шинжилгээний дадлагажигч ажилтан Доржсүрэн овогтой Отгонбаатар “Замын-Үүдийн террейний тогтоц, гарал үүсэл ба хөгжлийн түүх” сэдэвт судалгааны ажлаараа шалгарч БСШУЯ-ны сайдын нэрэмжит 2 сая төгрөгний грантыг авах эрхтэй боллоо.

Дэд байрт: ШУА-ийн Геоэкологийн хүрээлэнгийн Усны нөөц, ус ашиглалтын секторын эрдэм шинжилгээний дэд ажилтан Сүхбаатар овогтой Чинзориг “Туул гол дээр байгуулах боомт голын гольдрилд нөлөөлөх нь” сэдэвт ажлаараа шалгарч Монголын Залуу Эрдэмтдийн холбооны нэрэмжит шагнал

Тусгай байрт: ШУА-ийн Газарзүйн хүрээлэнгийн Цэвдэг Судлалын лабораторийн эрдэм шинжилгээний дадлагажигч ажилтан Цогтбаяр овогтой Жаргалтулга “Нисэх буух зурваст цэвдгийн нөхцлийг харгалзаж үзэх нь” сэдэвт ажлаараа шалгарч Элбэг их дэлгүүрийн “LT89 fashion shop”-ын нэрэмжит шагналыг тус тус хүртлээ.

Урд талын эгнээнд зүүн гар талаас Ч.Сономдагва, Г.Удвалцэцэг, Д.Баттогтох

Хойд талын эгнээнд зүүн гар талаас Д.Отгонбаатар (Тэргүүн байрын шагналт), С.Чинзориг (Дэд байрын шагналт), Ц.Жаргалтулга (Тусгай байрын шагналт)

МЗЭХ-ны удирдлагаас холбооны зорилго, зорилтууд, ойрын хугацаанд зохион байгуулагдах үйл ажиллагааны талаар дэлгэрэнгүй танилцуулж цаашид хамтран ажиллах тухай санал солилцож, залуу судлаач эрдэмтдийнхээ гаргасан санал санаачлагыг дэмжиж ажиллахаа илэрхийллээ.

дэлгэрүүлж унших...