ГГСЗЭХ-ы Удирдах зөвлөл хуралдлаа

ГГСЗЭХ-ы Удирдах зөвлөлийн ээлжит хуралдаан 2016 оны 2 сарын 4-д МЗЭХ-ы байранд боллоо. Уг хуралдаанаар үндсэн 3 асуудал хэлэлцэв.
1. 2016 онд хийх үйл ажиллагааны төлөвлөгөөнд нэмж оруулах ажлууд
2. Газарзүй-Геологийн салбарын залуу эрдэмтдийн холбооны шинэ тэргүүн сонгох тухай
3. Удирдах зөвлөлийн гишүүдийн нөхөн сонгуульд нэр дэвших хүмүүсийн тухай 

Хуралд удирдах зөвлөлийн гишүүд 66%-ийн ирцтэй оролцов. 2016 онд уламжлал болгон зохион явуулдаг явган аялал, "Мэдлэгээ хуваалцья" семинар, "Хүрэлтогоот" ЭШБХ-аас гадна Issues of Mongolian Geoscience сэтгүүлийн редакцийг байгуулж, анхны онлайн дугаарыг 4 сард гаргахаар болов. 
Мөн  ГГСЗЭХ-ы тэргүүнээр ирсэн гишүүдийн 100 хувийн саналаар нэр дэвшигч ШУА-ийн Газарзүй-Геоэкологийн хүрээлэнгийн Цэвдэг судлалын салбарын эрхлэгч, доктор А.Дашцэрэнг сонгов. Түүнчлэн  Удирдах зөвлөлийн нөхөн сонгуульд нэр дэвшүүлэхдээ МУБИС (Л.Эрдэнэбаяр хариуцаж холбоо барина), Геологи-Палеонтлогийн хүрээлэн (О.Мөнхцэцэг хариуцаж холбоо барина), Ус цаг уур орчны шинжилгээний газар (А.Дашцэрэн хариуцаж холбоо барина) тус бүрээс төлөөлөл оруулахаар болов. Нөхөн сонгуулийг 4 сард зохиох “Мэдлэгээ хуваалцья” семинарын үеэр зохион байгуулахаар болов.

Зураг: ГГСЗЭХ-ы Тэргүүн ШУА-ийн Газарзүй-Геоэкологийн хүрээлэнгийн Цэвдэг судлалын салбарын эрхлэгч, доктор А.Дашцэрэн болон холбооны удирдах зөвлөлийн гишүүдийн төлөөлөл: О.Мөнхцэцэг, Д.Отгонбат, Г.Гантулга, Т.Билэг-өрнөх, Л.Эрдэнэбаяр нар. 

дэлгэрүүлж унших...

"Хүрэлтогоот-2015" ЭШБХ амжилттай зохион байгуулагдлаа

Уламжлалт  Хүрэлтогоотийн эрдэм шинжилгээний бага хурлын Газарзүй, Геологийн салбарын хурал 11 сарын 2-нд амжилттай зохиогдлоо. Хуралд нийт 16 илтгэл хэлэлцүүлэгдсэнээс ШУА-ийн Газарзүй, Геоэкологийн хүрээлэнгийн судлаач Я.Гансүхийн "MODIS хиймэл дагуулын гадаргын температурын мэдээг боловсруулах шинэ аргазүй" сэдэвт бүтээл тэргүүн байр, УЦУОСМХ-ийн судлаач Д.Одонтунгалагийн "Монгол орны зуны улирлын тунадас, өвлийн улирлын агаарын температурыг нөхцөлдүүлэгч зарим хүчин зүйлсийн олон жилийн явц, тэдгээрийг урьдчилан мэдээлэх нь" сэдэвт бүтээл дэд байрт тус тус шалгарч, БШУ-ы сайдын нэрэмжит залуу судлаачдыг дэмжих 4 сая төгрөгийн грантын эзэд болохоор шалгарлаа.
Мөн хурлын үеэр Монголын газар зохион байгуулагчдын холбооноос тусгай байрыг шалгаруулж, ГГХ-ийн судлаач Ц.Болормааг өргөмжлөл, үнэ бүхий зүйлээр шагнав.

Хуралд оролцсон эрдэмтэн судлаачид, шүүгчид, зочид төлөөлөгч нартаа баярласнаа илэрхийлж, цаашдын ажилд нь өндөр амжилтийг хүсэн ерөөе.

дэлгэрүүлж унших...

"Хүрэлтогоот-2015" ЭШБХ

"Хүрэлтогоот" ЭШБХ хойшлогдож 11 сарын 2-нд зохиогдох болсон тул Газарзүй, Геологийн салбараар ирүүлэх бүтээлийг хүлээн авах хугацааг 2015 оны 10 сарын 5-ны 17:00 цаг болгож хойшлуулав.
Бүтээлийг purevsuren.oyunbat@gmail.com хаягаар ирүүлнэ үү.
дэлгэрүүлж унших...

"Хүрэлтогоот-2015" ЭШБХ-д Газарзүй, Геологийн салбараар ирүүлэх бүтээлийн заавар

дэлгэрүүлж унших...

Хүрэлтогоотийн ЭШБХ хураангуй авч эхэллээ

дэлгэрүүлж унших...

Газарзүй Геологийн салбарын залуу эрдэмтдийн холбооноос зохион байгуулсан “МЭДЛЭГЭЭ ХУВААЛЦЪЯ” семинар амжилттай болж өнгөрлөө

Газарзүй Геологийн Салбарын Залуу Эрдэмтдийн Холбооноос зохион байгуулсан “МЭДЛЭГЭЭ ХУВААЛЦЪЯ” семинар 2015 оны 6 сарын 26-нд Ус цаг уур, орчны судалгаа, мэдээллийн хүрээлэнгийн Номын санд амжилттай болж өнгөрлөө. 

Сонирхолтой илтгэл тавьсан доктор Б.Цацрал (Ус цаг уур, орчны судалгаа мэдээллийн хүрээлэн), Д.Майнбаяр (Палеонтлоги, геологийн хүрээлэн) нартаа их баярласнаа илэрхийлэхийн ялдамд цаашдын судалгаанд нь өндөр амжилт хүсэн ерөөе. 

Илтгэгч: Доктор Б.Цацрал (Ус цаг уур, орчны судалгаа мэдээллийн хүрээлэн)

Илтгэгч: Д.Майнбаяр (Палеонтлоги, геологийн хүрээлэн) 

Судлаачид зуны улирал эхэлж хээрийн ажилдаа гарсан тул оролцох сонирхолтой байсан нилээд хүмүүс оролцож амжсангүй. Дараа дараагийн семинарт илүү олон судлаачид оролцох байх хэмээн найдаж байна. Гишүүдээс ирсэн саналын дагуу дараагийн семинарыг Улаанбаатар хотын экологийн асуудалтай холбоотой сэдвийн дагуу хийхээр төлөвлөж байна.

дэлгэрүүлж унших...

"Зангиагүй уулзалт" чөлөөт уулзалтад залуу эрдэмтэн, судлаач та бүхнийг урьж байна

дэлгэрүүлж унших...

Залуус мэдлэгээ хуваалцахаар уулзах гэж байна /2015 оны 6 сарын 26-нд/

дэлгэрүүлж унших...

ШИНЖЛЭХ УХААН БА ҮЙЛДВЭРЛЭЛ: ОЮУНЛАГ ЗАЛУУСЫН ЭКО АЯЛАЛ 2015 ОНЫ 6 САРЫН 6-нд

дэлгэрүүлж унших...

Conference on ‘THE BEST RESEARCH PROPOSAL: MASTER & DOCTOR’

дэлгэрүүлж унших...

Уулзалт семинартаа амжилттай оролцоорой залуусаа

дэлгэрүүлж унших...

"Шилдэг 100 залуу эрдэмтэн судлаачдын шинэ жил" баярын цэнгүүн зохион байгуулагдана

Монголын Залуу Эрдэмтдийн Холбоо нь 2014 оны 12 сарын 18-ны өдөр Кемпински Хаан Палас зочид буудалд“Монголын шилдэг 100 залуу эрдэмтэн судлаачдын шинэ жилийн баярын цэнгүүн”-ийг шинжлэх ухаан, эрдэм шинжилгээ, сургалт, үйлдвэрлэлийн байгууллагын шилдэг залуу эрдэмтэн судлаач, зочид төлөөлөгчдийн оролцоотойгоор зохион байгуулах гэж байна. Уг арга хэмжээ нь залуу эрдэмтэн, судлаачдын ажлыг дүгнэн, цааш цаашдын эрдэм шинжилгээ, судалгааны ажилд нь урам нэмэх зорилгоор жил бүр уламжлал болгон зохиогдож ирсэн билээ. Оролцох хүсэлтэй эрдэмтэд, судлаачид, холбооны үйл ажиллагааг дэмжигчид та бүхэн бидэнтэй холбогдоно уу. Дэлгэрэнгүй мэдээллийг дараах холбоосоор орж үзнэ үү.

http://www.mysa.mn/mn/news/item/120-newyear

дэлгэрүүлж унших...

"Хүрэлтогоот-2014" хурал амжилттай болж өнгөрлөө

Жил бүр уламжлал болон зохиогддог Хүрэлтогоотийн эрдэм шинжилгээний бага хурлын Газарзүй, Геологийн салбарын хурал 10 сарын 18-нд амжилттай зохиогдлоо. Хуралд нийт 24 илтгэл хэлэлцүүлэгдсэнээс ХААИС-ийн багш И.Мягмаржавийн "Хустайн хөрс усаар элэгдэх үйл явцын судалгаа, загварчлал" сэдэвт бүтээл тэргүүн байр, ГЭБХ-ийн эрдэм шинжилгээний дэд ажилтан О.Одбаярын "Монгол орны газрын ховор элементийн ордуудын эрдэслэг бүрэлдэхүүний харьцуулсан судалгаа" сэдэвт бүтээл дэд байрт тус тус шалгарч, БШУ-ы сайдын нэрэмжит залуу судлаачдыг дэмжих 4 сая төгрөгийн грантын эзэд болохоор шалгарлаа.
Мөн хурлын үеэр Монголын газар зохион байгуулагчдын холбооноос тусгай байрыг шалгаруулж, МУИС-ын багш Б.Батдэлгэрийг өргөмжлөл, үнэ бүхий зүйлээр шагнав.
Энэ жилийн хуралд урд өмнөхөөс олон бүтээл ирүүлж, олон сайн илтгэл хэлэлцүүлж, сонирхохоор ирсэн зочид төлөөлөгчдөөр дүүрэн байсан нь хурлын ач холбогдол, цар хүрээ өргөжин тэлж, манай залуу эрдэмтэн судлаачдын хүсэн хүлээдэг хурал болсныг харуулж байна.
Хуралд оролцсон эрдэмтэн судлаачид, шүүгчид, зочид төлөөлөгч нартаа баярласнаа илэрхийлж, цаашдын ажилд нь өндөр амжилтийг хүсэн ерөөе.

Хурлын нээлтийн үеэр

Хурлын нээлт, МЗЭХ-ны ерөнхийлөгч Д.Баттогтох

Хурлын дэг танилцуулах үеэр

Хурлын үеэр

Хуралд оролцогчид

Хурлын үеэр

Хурлын үеэр

Хурлын үеэр

Тэргүүн байрын батламж гардуулах үеэр

Дэд байрын батламж гардуулах үеэр

Тусгай шагнал гардуулах үеэр

Шагнал гардагчид: И.Мягмаржав, О.Одбаяр, Б.Батдэлгэр болон МЗЭХ-ны ерөнхийлөгч Д.Баттогтох, ГГСЗЭХ-ны тэргүүн Д.Дэлгэржаргал, Газар зохион байгуулагчдын холбооны гүйцэтгэх захирал С.Сайнбаяр

дэлгэрүүлж унших...

Хүрэлтогоот-2014 хурлын хөтөлбөр

Хүрэлтогоот-2014 эрдэм шинжилгээний бага хурлын Газарзүй, Геологийн салбар хуралдаанд оролцогчид Геоэкологийн хүрээлэнгийн 212 тоот өрөөнд ирж, Г.Батсайханаас хөтөлбөрөө авна уу. Авч амжаагүй нь Хүрэлтогоот дээр хийх бүртгэлийн үеэр авна уу.

Хөтөлбөрийг дараах урилгаас харна уу.

дэлгэрүүлж унших...

Хүрэлтогоот-2014 хуралд илтгэл/өгүүлэл өгөх сүүлийн хугацаа

Хүрэлтогоот-2014 хуралд илтгэл/өгүүлэл өгөх сүүлийн хугацаа 10-р сарын 6-ний оройн 17:00 цаг. 

дэлгэрүүлж унших...